Tálipterdiń Qoǵamdyq shaqyrý jáne nusqaý bóliminiń basshysy Mohammad Hashem Shahıd Vror 20 aqpanda ótken jınalysta saqal ósirýdiń paryz ekenin jáne ony qysqartýǵa bolmaıtynyn aıtty, dep habarlaıdy “Adyrna” ulttyq portaly Khaama Rress agenttigine siltep.
«BAQ qyzmetkerleri de saqalyn saqtap, qyrynýdan bas tartýy kerek» dedi ol.
Odan ári ol BAQ qyzmetkerleri sýretke túsirý úlken kúná ekenin jáne aqyrette Allanyń aldynda jaýap beretinin aıtyp, sýretke túsirmeý keregin basa aıtty.
«BAQ qyzmetkerleri – aýǵandyq otandastarymyz, biraq olar saqalyn qyrý kúnásin tabandy túrde jasap, jemqorlyqqa kóbirek kóńil bóledi», dep sózin jalǵady ol.
Buǵan deıin Qandaǵardaǵy tálipterdiń gýbernatory jaqynda osy provınııadaǵy tálipterdiń barlyq mekemeleri men bıligine jazbasha nusqaý berip, resmı jáne beıresmı kezdesýler men rásimderdi sýretke túsirýge tyıym salǵan bolatyn.
Qandaǵardaǵy tálipterdiń gýbernatory molla Shırın Ahýnd áleýmettik jelilerde jáne keıbir BAQ-ta jarııalanǵan osy jazbasha nusqaýda osy provınııadaǵy Tálipterdiń úkimetiniń ulttyq jáne áskerı sheneýnikterine sýretke túsýden jáne sýretke túsirýden bas tartýdy tapsyrdy.
