الەۋمەتتىك جەلىدە تۇركىستان وبلىسىنىڭ تۇرعىنى بالالاردى قاتىگەزدىكپەن ۇرىپ جاتقان ۆيدەوسى تارادى. وسىعان قاتىستى سايرام اۋدانىنىڭ پوليتسيا باسقارماسى قىلمىستىق ءىس قوزعادى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە تاراعان ۆيدەودان ەرەسەك ادامنىڭ جەردە جىلاپ جاتقان بالاسىن بىرنەشە مارتە اياۋسىز تەپكەنىن كورۋگە بولادى. ال قاسىندا جىلاپ جاتقان كىشكەنتاي قىزىنا نازار اۋدارمايدى. اتالعان جاعدايعا قاتىستى رەسمي پىكىر بىلدىرگەن تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى كۇدىكتىنىڭ ۇستالىپ، قاماۋعا الىنعانىن مالىمدەدى.
«كۇدىكتى ۇستالىپ، قاماۋعا الىندى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلۋدە جانە ءتيىستى ساراپتامالار تاعايىندالدى. بارلىق ءمان-جاي انىقتالىپ جاتىر. ءىستىڭ تەرگەلۋى تۇركىستان وبلىسى پد باستىعىنىڭ جەكە باقىلاۋىندا. جالعان اقپارات تاراتقانعا زاڭدا جاۋاپكەرشىلىك قاراستىرىلعانىن ەسكەرتە وتىرىپ ازاماتتاردان تەك رەسمي دەرەككوزدەرگە سۇيەنۋدى سۇرايمىز» - دەلىنگەن ۆەدومستۆو اقپاراتىندا.