Äleumettık jelıde Türkıstan oblysynyŋ tūrǧyny balalardy qatıgezdıkpen ūryp jatqan videosy tarady. Osyǧan qatysty Sairam audanynyŋ Polisiia basqarmasy qylmystyq ıs qozǧady, dep habarlaidy “Adyrna” ūlttyq portaly.
Äleumettık jelıde taraǧan videodan eresek adamnyŋ jerde jylap jatqan balasyn bırneşe märte aiausyz tepkenın köruge bolady. Al qasynda jylap jatqan kışkentai qyzyna nazar audarmaidy. Atalǧan jaǧdaiǧa qatysty resmi pıkır bıldırgen Türkıstan oblysy Polisiia departamentınıŋ baspasöz qyzmetı küdıktınıŋ ūstalyp, qamauǧa alynǧanyn mälımdedı.
«Küdıktı ūstalyp, qamauǧa alyndy. Qazırgı uaqytta qajettı tergeu äreketterı jürgızılude jäne tiıstı saraptamalar taǧaiyndaldy. Barlyq män-jai anyqtalyp jatyr. Istıŋ tergeluı Türkıstan oblysy PD bastyǧynyŋ jeke baqylauynda. Jalǧan aqparat taratqanǧa zaŋda jauapkerşılık qarastyrylǧanyn eskerte otyryp azamattardan tek resmi derekközderge süienudı sūraimyz» - delıngen vedomstvo aqparatynda.
