وزبەكستان پرەزيدەنتى شاۆكات ميرزيەەۆ ولي ماجليس سەناتى (پارلامەنتتىڭ جوعارعى پالاتاسى) وكىلدەرىنىڭ سانىن ۇشتەن بىرگە – 100-دەن 65 ادامعا دەيىن قىسقارتۋ تۋرالى زاڭعا قول قويدى، دەپ حابارلايدى “ادىرنا” ۇلتتىق پورتالى.
«وزبەكستان رەسپۋبليكاسى «ولي ءماجليسىنىڭ سەناتى تۋرالى» كونستيتۋتسيالىق زاڭعا ساندىق وزگەرىستەر ەنگىزۋدى كوزدەيدى. ەگەر بۇعان دەيىن قاراقالپاقستان، تاشكەنت جانە وزبەكستاننىڭ 12 وبلىسىنان مەملەكەتتىك ورگانعا التى ادام سايلانسا، ەندى بۇل سان ءار وبلىستان ءتورت وكىلگە دەيىن قىسقارادى. سونىمەن قاتار، پرەزيدەنت قوسىمشا تاعايىنداعان 16 سەناتوردىڭ ورنىنا مەملەكەت باسشىسى پارلامەنتتىڭ توعىز دەپۋتاتىن تاعايىندايدى.
بۇل رەتتە سەناتورلاردى سايلاۋ ءتارتىبى وزگەرىسسىز قالادى. وڭىرلىك وكىلدەر جەرگىلىكتى بيلىك ورگاندارىنىڭ وتىرىستارىندا جاسىرىن داۋىس بەرۋ ارقىلى سايلانادى، ال عىلىم، ونەر، ادەبيەت، ءوندىرىس جانە قوعام ءومىرىنىڭ باسقا دا سالالارىندا تاجىريبەسى مەن ەرەكشە ەڭبەگى بار بەدەلدى ازاماتتاردىڭ اراسىنان كانديداتتاردى پرەزيدەنت بەكىتەدى.
