ءماجىلىس دەپۋتاتى، زاڭگەر باقىتجان بازاربەك سوت شەشىمىن تاپپاي، نازاردان تىس قالعان ەلدەگى بىرنەشە قۇقىقتىق فاكتىلەردى اتاپ قر پرەمەر-ءمينيسترى مەن باس پروكۋرورعا دەپۋتاتتىق ساۋال جولدادى، دەپ حابارلايدى “ادىرنا” ۇلتتىق پورتالى.
دەپۋتات جەر جانە قۇرىلىس سالاسىنداعى ورىندالماي وتىرعان سوت شەشىمدەرىنە قاتىستى ماسەلەنى قوزعادى. الماتى قالاسىنداعى بىرنەشە زاڭسىز دەپ تانىلعان تۇرعىن ءۇي كەشەندەرىنىڭ ءالى كۇنگە دەيىن سوت شەشىمىن تاپپاي وتىرعانىن باسا ايتتى:
“الماتىدا "شۆەيتساريا", "گراف", "ليۋكسەمبۋرگ", "فرانتسۋزسكي دوم" سياقتى تۇرعىن ءۇي كەشەندەرى بويىنشا سوتتىڭ زاڭدى كۇشىنە ەنگەن شەشىمى بويىنشا زاڭسىز دەپ تانىلسا داعى، سوتتىڭ شەشىمىن ورىنداۋعا مەملەكەتتىڭ قاۋقارى جەتپەي تۇر. بوستاندىق اۋدانىندا ەسكى قازاقستان وكىلدەرىنە تيەسىلى حالىق بانك، قۇسا-حالىق يەلىگىندە بولعان وزەننىڭ سۋ قورعاۋ اۋماعىنا كىرەتىن كولەمى 52 گەكتار جەر ۋچاسكەسىن سوتتىڭ زاڭدى كۇشىنە ەنگەن شەشىمى بويىنشا مەملەكەتتىك مەنشىككە قايتارىلعان بولاتىن” دەدى ول.
ءىس جۇزىندە جەر قايتارىلسا دا, قۇرىلىس جۇمىستارىن ەشكىم توكتاتا الماي جاتقانىن قوسا كەتتى ول.
سونداي-اق، باقىتجان بازاربەك بۇرىنعى يەلەرى سۋ قورعاۋ ايماعىن وزەن ارناسىمەن بىرگە توپىراقپەن تەگىستەپ، كوپ قاباتتى تۇرعىن ءۇيدى كوتەرۋگە جان جاقتى جۇمىس جۇرگىزىلىپ جاتقانىن ءوز كوزىمەن كورىپ قايتقان.
“اتاقتى راحات بازارىنىڭ 200 جۋىق ساۋداگەرلەرىنىڭ جەر داۋىن الىڭىز، 2022 جىلى الماتى قالالىق سوتى كەزىندە باۋىرجان بايبەكتىڭ 3 جىلدان كەيىن زاڭسىز قاۋلىسىن بۇزىپ جەڭىسكە جەتسە داعى، ساۋداگەرلەر بازار جەرىن ءالى دە داۋلاپ الا الماي ءجۇر. ال شىمكەنتتە زاڭسىز سپك "شىمكەنت" كە بەرىلگەن اۋماعى 77 گەكتار بولاتىن 46 جەر تەلىمدەرىن جەرگىلىكتى جەر ينسپەكتورلارى سوتقا بەرىپ، زاڭسىز شىعارىلعان اكىمدەردىڭ قاۋلىلارى مەن جالعا الۋ شارتتارىن بۇزدى” دەدى باقىتجان بازاربەك.
اتالمىش جايتتارعا قاراماستان شىمكەنت قالاسىنىڭ اكىمدىگى ارەكەتسىزدىك تانىتىپ وتىرعانىن باسا ايتتى:
“46 جەر ۋچاسكەسىنىڭىشىندە «شىعىس مونتاج ستروي»مەكەمەسىنە تيەسىلى جەر مەملەكەتتىك مەنشىككە سوتتىڭ شەشىمىمەن قايتسا داعى، سوتتىڭ شەشىمىنە قاراماستان ءدال سول جەردە جاڭا «ۇلى دالا» تۇرعىن-ءۇي كەشەنى قۇرىلىسىن باستاپ كەتتى. بۇل تۇرگىن-ءۇي كەشەنىن سوعۋدى توكتاتىندار دەگەن سوتتىڭ شەشىمى شىقتى، زاڭدى كۇشىنە ەندى، بىراق تا سوتتىڭ شەشىمىن ورىنداتۋعا مەملەكەتتىك ورگانداردىڭ ءتىسى باتپاي وتىر. بۇل جاعداي حەنداي ورتالىعى ايماعىندا كوپ قاباتتى تۇرعىن ءۇي سوعۋعا بەرىلگەن 2 جەر تەلىمى سوتتىڭ شەشىمىمەن قايتارىلسا دا, ءىس جۇزىندە زاڭدى شەشىم تاعى دا ورىندالماي وتىر” دەپ قوستى ول.
ونىمەن قوسا ەلورداداعى زاڭسىزدىق تۋرالى دا تىلگە تيەك ەتتى:
“استانادا "دۋبلين", "سەنساتا بيلد" جانە "ۆاشينگتون" تۇرعىن ءۇي كەشەندەرى قۇرىلىس جۇرگىزۋ رۇقسات قۇجاتتارىنسىز عانا ەمەس، ءتىپتى جەرگە ءتيىستى قۇقىقتى الماي زاڭسىز قۇرىلىسىن باستاپ كەتكەن. 2022-2024 جىلدارى ارالىعىندا شىعارىلعان سوتتاردىڭ شەشىمدەرىنە سايكەس ەلورداداعى قۇرىلىستى توقتاتۋ جانە كوتەرىلگەن تۇرعىن-ۇيلەردى ءسۇرۋ مىندەتتەلسە دە, سوتتىڭ شەشىمىن ورىندايتىن كومپانيا جوق” دەدى دەپۋتات.
باقىتجان بازاربەك ەلىمىزدىڭ 3 ءىرى نەگىزگى قالالارىنداعى گاسك سالاسىنداعى ۋاكىلەتتى ورگاندارى، قالا پروكۋراتۋرالارى، ادىلەت دەپارتامەنتتەرى مەن كدس-ءى بار، شىعارىلعان سوت شەشىمدەرىن ورىنداتۋعا، مىندەتتەۋگە قاۋقارى جەتپەي وتىرعانىنا نارازىلىق ءبىلدىردى.
“پرەزيدەنتىمىز ايتقانداي زاڭ ديكتاتۋراسىن ورناتۋ جانە سوت شەشىمدەرىنىڭ مۇلتىكسىز ورىندالۋىمەن عانا ءبىز – ادىلەتتى قازاقستاندى ورناتامىز. سوندىقتان، جوعارىدا كەلتىرىلگەن فاكتىلەر بويىنشا بارلىق شەشىمدەر تەزارادا سوت اكتىلەرىنىڭ نەگىزىندە قابىلدانۋى ءتيىس” دەپ اياقتادى دەپۋتاتتىق ساۋالىن ماجىلىسمەن.
