قازاقستاندىق سپورتشى ەلەنا رىباكينا حالىقارالىق ءتۋرنيردىڭ فينالىندا جەڭىلىپ قالدى، دەپ حابارلايدى "ادىرنا" پورتالى.
تەننيسشى ەلەنا رىباكينا دوحادا وتكەن WTA 1000 ءتۋرنيرىنىڭ فينالىندا قارسىلاسىنان جەڭىلىپ قالدى. فينالدا الەمنىڭ ءبىرىنشى راكەتكاسى، پولشا وكىلى يگا شۆەنتەك پەن ەلەنا رىباكينا كەزدەستى.
ءبىرىنشى سەت 7:6 ەسەبىمەن پولشالىق تەننيسشىنىڭ پايداسىنا شەشىلدى. ەكىنشى سەتتە ەلەنانىڭ قارسىلاسى دەس بەرمەي ويىندى 6:2 ەسەبىمەن اياقتادى.
ايەلدەر تەننيسى قاۋىمداستىعىنىڭ (WTA) رەسمي سايتىنداعى اقپاراتقا سۇيەنسەك، ەلەنا رىباكينا جارىستىڭ ءفيناليسى رەتىندە 650 رەيتينگتىك ۇپاي مەن 308 320 اقش دوللارىن يەلەنگەن.
ال ءتۋرنيردىڭ جەڭىمپازى اتانعان پولشالىق سپورتشى يگا شۆەنتەك 1000 رەيتينگتىك ۇپاي مەن 523 485 اقش دوللارىن ەنشىلەيدى.
