Qazaqstandyq sportshy Elena Rybakına halyqaralyq týrnırdiń fınalynda jeńilip qaldy, dep habarlaıdy "Adyrna" portaly.
Tennısshi Elena Rybakına Dohada ótken WTA 1000 týrnıriniń fınalynda qarsylasynan jeńilip qaldy. Fınalda álemniń birinshi raketkasy, Polsha ókili Iga Shventek pen Elena Rybakına kezdesti.
Birinshi set 7:6 esebimen polshalyq tennısshiniń paıdasyna sheshildi. Ekinshi sette Elenanyń qarsylasy des bermeı oıyndy 6:2 esebimen aıaqtady.
Áıelder tennısi qaýymdastyǵynyń (WTA) resmı saıtyndaǵy aqparatqa súıensek, Elena Rybakına jarystyń fınalısi retinde 650 reıtıngtik upaı men 308 320 AQSh dollaryn ıelengen.
Al týrnırdiń jeńimpazy atanǵan polshalyq sportshy Iga Shventek 1000 reıtıngtik upaı men 523 485 AQSh dollaryn enshileıdi.
