قازاقستاننىڭ ءبىرىنشى راكەتكاسى ەلەنا رىباكينا فرانتسيانىڭ ستراسبۋرگ قالاسىندا ءوتىپ جاتقان WTA 500 ساناتىنداعى ءتۋرنيردىڭ جارتىلاي فينالىندا جەڭىسكە جەتتى، دەپ حابارلايدى “ادىرنا” ۇلتتىق پورتالى.
جارتىلاي فينالدا رىباكينا الەمنىڭ 23-راكەتكاسى سانالاتىن برازيليالىق بەاتريس حادداد مايامەن كۇش سىناستى. ءۇش سەتكە سوزىلعان تارتىستى كەزدەسۋدە قازاقستاندىق تەننيسشى 7:6, 1:6, 6:2 ەسەبىمەن جەڭىسكە جەتتى.
ايتا كەتەرلىگى، شەشۋشى ءۇشىنشى سەتتە رىباكينا 0:2 ەسەبىمەن ۇتىلىپ جاتقانىمەن، قاتارىنان التى گەيم ۇتىپ، ماتچتى ءوز پايداسىنا اياقتادى. بۇل ونىڭ بيىلعى ماۋسىمداعى العاشقى فينالى بولادى.
ۇقساس جاڭالىقتار
