تۇركىستان وبلىسىندا ەسەپشىنىڭ سۋيتسيد جاساعانى حابارلاندى. "ادىرنانىڭ" Otyrar.kz-كە سىلتەپ حابارلاۋى بويىنشا، وقيعا ماقتارال اۋدانىندا بولعان.
تۇركىستان وبلىسى ماقتاارال اۋداندىق ءبىلىم ءبولىمىنىڭ بۋحگالتەرى 25 قاڭتارىندا ءوز-وزىنە قول سالعان. قۇزىرلى ورگاندار:
"25.01.2024 جىلى ماقتاارال اۋدانىنىڭ پوليتسيا ءبولىمى قازاقستان رەسپۋبليكاسى قك 105-بابى 1-بولىگى بويىنشا سۋيتسيد جاساۋ فاكتىسى بويىنشا قىلمىستىق ءىستى تىركەدى (سۋيتسيدكە دەيىن جەتكىزۋ) جانە سوتقا دەيىنگى تەرگەپ — تەكسەرۋ جۇرگىزىلۋدە", - دەلىنگەن رەسمي حاتتا.
سونداي-اق، وتكەن جىلدىڭ سوڭىنان باستاپ تۇركىستان وبلىسىنىڭ ءبىلىم باسقارماسىندا انتيكور قىزمەتكەرلەرى تەكسەرىس باستاعان بولاتىن. ەكونوميكالىق تەرگەۋ دەپارتامەنتى ماقتاارال اۋدانىنىڭ اۋداندىق ءبىلىم ءبولىمىنىڭ ەسەپشىسىنە قاتىستى بيۋدجەت قاراجاتىن ۇرلاۋ فاكتىسى قوزعادى. ازىرگە جىمقىرىلعان سومما ناقتى ايتىلماعان.
"قازىرگى ۋاقىتتا ەكونوميكالىق تەرگەۋ دەپارتامەنتى ماقتاارال اۋداندىق ءبىلىم ءبولىمىنىڭ بۋحگالتەرلەرىنە قاتىستى قر قك 2-تارماعىنىڭ 4-بولىگىنىڭ 189-بابى، مەملەكەتتىك بيۋدجەتتەن اقشا قاراجاتىن ۇرلاۋ بويىنشا قىلمىستىق ءىس قوزعادى. تەرگەۋ جۇرگىزىلۋدە. قر قك 201-بابىنىڭ 1-بولىگىنە سايكەس سوتقا دەيىنگى تەرگەپ — تەكسەرۋ دەرەكتەرى جاريا ەتىلمەيدى", - دەپ حابارلادى دەپارتامەنتتىڭ ءباسپاسوز قىزمەتى.
ال ءبىلىم باسقارماسىنىڭ باسشىلىعى ءوز قىزمەتكەرى تۋرالى تۇسىنىكتەمە بەرۋدەن باس تارتىپ وتىر. الايدا "سۋيتسيد جاسادى" دەگەن ەسەپشىنىڭ ءتىرى قالعانى نە باسقاشا جاعدايعا ۇشىراعانى ايتىلمادى. انتيكور ىسكە قاتىستى تەرگەپ-تەكسەرۋ دەرەكتەرى دە جاريا ەتىلمەيتىنىن مالىمدەگەن.
ەستەرىڭىزگە سالا كەتەيىك، وتكەن جىلدىڭ جەلتوقسان ايىندا انتيكور وبلىستاعى شاردارا جانە سارىاعاش اۋداندارىنىڭ ءبىلىم بولىمدەرىنىڭ بۋحگالتەرلەرىنە قاتىستى تەرگەۋ تۋرالى حابارلاعان بولاتىن. مەملەكەتتىك بيۋدجەتتى جىمقىرۋ بويىنشا 17 ادام كۇدىككە ىلىنگەن. كەلەس اۋدانىنىڭ ءبىلىم بولىمىندە دە ءدال وسى جاعداي ورىن العان ەدى.
