Türkıstan oblysynda esepşınıŋ suisid jasaǧany habarlandy. "Adyrnanyŋ" Otyrar.kz-ke sıltep habarlauy boiynşa, oqiǧa Maqtaral audanynda bolǧan.
Türkıstan oblysy Maqtaaral audandyq bılım bölımınıŋ buhgalterı 25 qaŋtarynda öz-özıne qol salǧan. Qūzyrly organdar:
"25.01.2024 jyly Maqtaaral audanynyŋ polisiia bölımı Qazaqstan Respublikasy QK 105-baby 1-bölıgı boiynşa suisid jasau faktısı boiynşa qylmystyq ıstı tırkedı (suisidke deiın jetkızu) jäne sotqa deiıngı tergep — tekseru jürgızılude", - delıngen resmi hatta.Sondai-aq, ötken jyldyŋ soŋynan bastap Türkıstan oblysynyŋ bılım basqarmasynda Antikor qyzmetkerlerı tekserıs bastaǧan bolatyn. Ekonomikalyq tergeu departamentı Maqtaaral audanynyŋ audandyq bılım bölımınıŋ esepşısıne qatysty biudjet qarajatyn ūrlau faktısı qozǧady. Äzırge jymqyrylǧan somma naqty aitylmaǧan.
"Qazırgı uaqytta Ekonomikalyq tergeu departamentı Maqtaaral audandyq bılım bölımınıŋ buhgalterlerıne qatysty QR QK 2-tarmaǧynyŋ 4-bölıgınıŋ 189-baby, Memlekettık biudjetten aqşa qarajatyn ūrlau boiynşa qylmystyq ıs qozǧady. Tergeu jürgızılude. QR QK 201-babynyŋ 1-bölıgıne säikes sotqa deiıngı tergep — tekseru derekterı jariia etılmeidı", - dep habarlady departamenttıŋ baspasöz qyzmetı.Al Bılım basqarmasynyŋ basşylyǧy öz qyzmetkerı turaly tüsınıkteme beruden bas tartyp otyr. Alaida "Suisid jasady" degen esepşınıŋ tırı qalǧany ne basqaşa jaǧdaiǧa ūşyraǧany aitylmady. Antikor ıske qatysty tergep-tekseru derekterı de jariia etılmeitının mälımdegen. Esterıŋızge sala keteiık, ötken jyldyŋ jeltoqsan aiynda Antikor oblystaǧy Şardara jäne Saryaǧaş audandarynyŋ bılım bölımderınıŋ buhgalterlerıne qatysty tergeu turaly habarlaǧan bolatyn. Memlekettık biudjettı jymqyru boiynşa 17 adam küdıkke ılıngen. Keles audanynyŋ bılım bölımınde de däl osy jaǧdai oryn alǧan edı.
Ūqsas jaŋalyqtar
