تەمىرتاۋدا 2 قاباتتى دۇكەندە گاز جارىلدى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
وقيعا بۇگىن ساعات 8:06-دا تەمىرتاۋ قالاسى ۆاتۋتين كوشەسىندە ورنالاسقان 2 قاباتتى دۇكەن عيماراتىندا گاز جارىلعانى تۋرالى حابارلاما تۇسكەن. ءورت سوندىرۋشىلەر بارعان ۋاقىتتا عيماراتتىڭ تولىق قيراپ، جانعانى انىقتالدى.
«زەرتتەۋ جانە بارلاۋ بارىسىندا زارداپ شەككەندەردىڭ ورنالاسقان جەرى الدىن الا انىقتالدى. قۇتقارۋشىلار ۇيىندىلەردى بولشەكتەۋگە كىرىستى. جۇمىستارعا تجد جەكە قۇرامىنان 17 ادام، 5 تەحنيكا جۇمىلدىرىلدى. قازىر وقيعا ورنىنا قوسىمشا 23 ادام مەن 5 تەحنيكا بارا جاتىر.
ساعات 8:44-تە ءۇيىندى استىنان ايەل ادام شىعارىلدى. ول تەمىرتاۋ قالالىق اۋرۋحاناعا جەتكىزىلدى. جاعدايى كۇردەلى دەپ باعالانىپ وتىر. ونىڭ ايتۋىنشا، ءۇيىندى استىندا ەر ادام بار. ۇيىندىلەردى تالداۋ جالعاسىپ جاتىر»، – دەلىنگەن تجد حابارلاماسىندا.
ساعات 9:08-دە 40 شارشى مەتر الاڭدا ءورت وقشاۋلاندى.
