Temırtauda 2 qabatty dükende gaz jaryldy. Būl turaly Tötenşe jaǧdailar ministrlıgı mälımdedı, dep habarlaidy “Adyrna” ūlttyq portaly.
Oqiǧa bügın saǧat 8:06-da Temırtau qalasy Vatutin köşesınde ornalasqan 2 qabatty düken ǧimaratynda gaz jarylǧany turaly habarlama tüsken. Ört söndıruşıler barǧan uaqytta ǧimarattyŋ tolyq qirap, janǧany anyqtaldy.
«Zertteu jäne barlau barysynda zardap şekkenderdıŋ ornalasqan jerı aldyn ala anyqtaldy. Qūtqaruşylar üiındılerdı bölşekteuge kırıstı. Jūmystarǧa TJD jeke qūramynan 17 adam, 5 tehnika jūmyldyryldy. Qazır oqiǧa ornyna qosymşa 23 adam men 5 tehnika bara jatyr.
Saǧat 8:44-te üiındı astynan äiel adam şyǧaryldy. Ol Temırtau qalalyq auruhanaǧa jetkızıldı. Jaǧdaiy kürdelı dep baǧalanyp otyr. Onyŋ aituynşa, üiındı astynda er adam bar. Üiındılerdı taldau jalǧasyp jatyr», – delıngen TJD habarlamasynda.
Saǧat 9:08-de 40 şarşy metr alaŋda ört oqşaulandy.
Ūqsas jaŋalyqtar
