پرەزيدەنت قاسىم-جومارت توقاەۆ "تاليبان" قوزعالىسىن تەرروريستىك ۇيىمدار تىزىمىنەن شىعارۋ تۋرالى ايتتى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
پرەزيدەنت كاتارمەن كوپقىرلى ارىپتەستىكتىڭ تۇراقتى دامۋى ايماقتاعى، سونىڭ ىشىندە اۋعانستانداعى قاۋىپسىزدىك پەن تۇراقتىلىققا تىكەلەي بايلانىستى دەپ سانايدى.
«قازاقستان اۋعانستانعا، سونىڭ ىشىندە بۇۇ جانە باسقا دا حالىقارالىق ۇيىمدار ارقىلى كومەك كورسەتۋدە. وسى ەلمەن ەكونوميكالىق ىنتىماقتاستىقتى دامىتۋ جونىندەگى كۇش-جىگەرى اياسىندا قازاقستان «تاليبان» قوزعالىسىن تەرروريستىك ۇيىمدار تىزىمىنەن شىعاردى. ءبىز بۇل قادام ءبىزدىڭ كۇش-جىگەرىمىزبەن بىرگە دەپ ەسەپتەيمىز. الماتىدا بۇۇ-نىڭ ورتالىق ازيا مەن اۋعانستانعا ارنالعان SDG ايماقتىق ورتالىعىن قۇرۋ وسى ەلدىڭ الەمدىك قوعامداستىققا ودان ءارى ينتەگراتسيالانۋىنا ىقپال ەتەدى. ول سونىمەن قاتار اۋعان حالقىنا گۋمانيتارلىق قولداۋ كورسەتۋ ءۇشىن جاڭا مۇمكىندىكتەر اشادى دەپ ۇمىتتەنەمىز»، - دەدى. مەملەكەت باسشىسى كاتار كونسۋلتاتيۆتىك كەڭەسىنىڭ مۇشەلەرى الدىندا سويلەگەن سوزىندە اتاپ ءوتتى.
بۇعان دەيىن قازاقستان پرەزيدەنتى قاسىم-جومارت توقاەۆ ورتالىق ازيا ءوز تاريحىندا بەتبۇرىستى كەزەڭدى باستان وتكەرىپ جاتقانىن، ساياسي جانە ەكونوميكالىق بايلانىستار ايتارلىقتاي جاندانعانىن اتاپ وتكەن.
سونداي-اق، سىرتى ىستەر مينيسترلىگىنىڭ رەسمي وكىلى ايبەك سمادياروۆ استاناداعى اۋعانستاننىڭ قازاقستان ەلشىلىگىندە تالىپتەر جۇمىس ىستەيتىن ايتقان ەدى.
ەستەرىڭىزگە سالا كەتەيىك، قازاقستان پرەزيدەنتى كاتاردا مەملەكەتتىك ساپارمەن ءجۇر. 14 اقپاندا قاسىم-جومارت توقاەۆ كاتار ءامىرى شەيح تاميم بەن حاماد ءال تانيمەن كەلىسسوز جۇرگىزدى. مەملەكەت باسشىسى ءوزىنىڭ وسى ەلگە جاساعان العاشقى مەملەكەتتىك ساپارىنىڭ ەرەكشە ماڭىزدىلىعىن اتاپ ءوتتى.
