Prezıdent Qasym-Jomart Toqaev "Talıban" qozǵalysyn terrorıstik uıymdar tiziminen shyǵarý týraly aıtty. Bul týraly Aqorda málimdedi, dep habarlaıdy “Adyrna” ulttyq portaly.
Prezıdent Katarmen kópqyrly áriptestiktiń turaqty damýy aımaqtaǵy, sonyń ishinde Aýǵanstandaǵy qaýipsizdik pen turaqtylyqqa tikeleı baılanysty dep sanaıdy.
«Qazaqstan Aýǵanstanǵa, sonyń ishinde BUU jáne basqa da halyqaralyq uıymdar arqyly kómek kórsetýde. Osy elmen ekonomıkalyq yntymaqtastyqty damytý jónindegi kúsh-jigeri aıasynda Qazaqstan «Talıban» qozǵalysyn terrorıstik uıymdar tiziminen shyǵardy. Biz bul qadam bizdiń kúsh-jigerimizben birge dep esepteımiz. Almatyda BUU-nyń Ortalyq Azııa men Aýǵanstanǵa arnalǵan SDG Aımaqtyq ortalyǵyn qurý osy eldiń álemdik qoǵamdastyqqa odan ári ıntegraııalanýyna yqpal etedi. Ol sonymen qatar aýǵan halqyna gýmanıtarlyq qoldaý kórsetý úshin jańa múmkindikter ashady dep úmittenemiz», - dedi. Memleket basshysy Katar Konsýltatıvtik keńesiniń músheleri aldynda sóılegen sózinde atap ótti.
Buǵan deıin Qazaqstan Prezıdenti Qasym-Jomart Toqaev Ortalyq Azııa óz tarıhynda betburysty kezeńdi bastan ótkerip jatqanyn, saıası jáne ekonomıkalyq baılanystar aıtarlyqtaı jandanǵanyn atap ótken.
Sondaı-aq, Syrty ister mınıstrliginiń resmı ókili Aıbek Smadııarov Astanadaǵy Aýǵanstannyń Qazaqstan elshiliginde tálipter jumys isteıtin aıtqan edi.
Esterińizge sala keteıik, Qazaqstan Prezıdenti Katarda memlekettik saparmen júr. 14 aqpanda Qasym-Jomart Toqaev Katar Ámiri sheıh Tamım ben Hamad Ál Tanımen kelissóz júrgizdi. Memleket basshysy óziniń osy elge jasaǵan alǵashqy memlekettik saparynyń erekshe mańyzdylyǵyn atap ótti.
