قازاقستاندا بۇدان بىلاي اۆتوكولىك نومىرلەرىنىڭ بىرەگەي DMC كودتارى بولۋى كەرەك، دەپ حابارلايدى “ادىرنا” ۇلتتىق پورتالى.
كود ارقىلى پوليتسيا قىزمەتكەرلەرى نومىرلەردىڭ تۇپنۇسقالىعىن تەكسەرە الادى.
1 قىركۇيەكتەن باستاپ، قر ست 986-2022 قولدانىسقا ەنگىزىلدى. ول بويىنشا قولدان جاساۋدان قورعاۋ ءۇشىن قاجەتتى ارنايى جانە قوسىمشا ەلەمەنتتەرى بولۋى ءتيىس نومىرلىك بەلگىلەر مەن ولارعا ارنالعان دايىندامالارعا قويىلاتىن تالاپتار جازىلعان.
اتالمىش ستاندارتتى ءىىم «اقپاراتتىق-وندىرىستىك ورتالىق» رمك ازىرلەپ، ول سيم ترمك قازستاندارتتا ساراپتامادان وتكەن بولاتىن.
ستاندارتتا مەملەكەتتىك تىركەۋ نومىرلىك بەلگىلەرىندەگى قارىپتەرگە، ساندارعا جانە قورعانىش ەلەمەنتتەرىنە قويىلاتىن تەحنيكالىق تالاپتاردى بىرىزدەندىرۋ قامتاماسىز ەتىلگەن. سونىڭ ىشىندە قوسىمشا قورعانىش ەلەمەنتتەرىنە پوليتسيا قىزمەتكەرلەرى مەملەكەتتىك نومىرلەردىڭ تۇپنۇسقالىعىن تەكسەرە الاتىن بىرەگەي DMC كودتارىن سالۋ دا جاتقىزىلدى.
“ارنايى قورعانىش ەلەمەنتتەرىن نومىرلىك بەلگىنىڭ بەتىنەن حيميالىق قۇرالدارمەن نەمەسە فيزيكالىق اسەرمەن الىپ تاستاۋ مۇمكىن ەمەس جانە نومىرلىك بەلگىنىڭ بۇكىل پايدالانۋ مەرزىمى ىشىندە ساقتالۋعا ءتيىس”، - دەپ اتاپ ءوتتى ۆەدومستۆودا.
سونداي-اق، قر ست 986-2022قولدانىسقا ەنگىزۋ ءونىمدى دايىنداۋ باعاسىنىڭ وزگەرۋىنە، سونداي-اق مەملەكەتتىك بيۋدجەتتەن قوسىمشا شىعىندارعا اكەپ سوقپايتىنى بەلگىلى بولدى.
”ادىرنا” ۇلتتىق پورتالى
