Instagram جەلىسىندە «اتىس قارۋىن جارنامالاعان» كۇدىكتى ۇستالدى، دەپ جازادى "ادىرنا". بۇل تۋرالى مينيسترلىك مالىمدەدى.
2 ماۋسىم كۇنى Instagram جەلىسىندەگى پاراقشالاردىڭ بىرىندە الەۋمەتتىك جەلىلەرگە مونيتورينگ جۇرگىزۋ بارىسىندا، ەر ادامنىڭ اتىس قارۋىن «جارنامالاعانى» تۋرالى ۆيدەو انىقتالدى، دەپ حابارلايدى قر ءىىم ءباسپاسوز قىزمەتى.
«ۇيىمداسقان قىلمىسقا قارسى كۇرەس باسقارماسىنىڭ جەدەل قىزمەتكەرلەرى ەر ادامنىڭ كىم ەكەنىن انىقتادى. ول بۇرىن سوتتالعان 33 جاستاعى پاۆلودار قالاسىنىڭ تۇرعىنى بولىپ شىقتى. ودان «ستەچكين» پنەۆماتيكالىق تاپانشاسى تاركىلەندى. ساراپتاما تاعايىندالدى، ونىڭ قورىتىندىسى بويىنشا پروتسەسسۋالدىق شەشىم قابىلدانادى»، - دەدى پاۆلودار وبلىسى پد باسشىسىنىڭ ورىنباسارى بولات نۇرسەيىتوۆ.
"ادىرنا" ۇلتتىق پورتالى
