شوقان ءۋاليحانوۆ اتىنداعى اسكەري كوللەدجدە 1 كۋرستاعى كۋرسانت وزىنە وق اتىپ، قايتىس بولدى، دەپ حابارلايدى "ادىرنا" ءتىلشىسى قازاقپاراتقا سىلتەپ.
بۇل جاعدايدى قورعانىس مينيسترلىگى راستاپ وتىر.
كۋرسانت كەزەكشىلىگىن اتقارۋ بارىسىندا وزىنە بەكىتىلگەن قارۋدان وق اتىپ العان.
"2024 جىلدىڭ 13 اقپانىندا ش. ءۋاليحانوۆ اتىنداعى اسكەري كوللەدجدىڭ 1 كۋرس كادەتى تاۋلىكتىك كەزەكشىلىك مىندەتىن وتەۋگە كىرىسۋ بارىسىندا بەكىتىلگەن قارۋدان ءوز-وزىنە وق اتىپ العان. سالدارىنان ول مەرت بولدى. قورعانىس مينيسترلىگىنىڭ باسشىلىعى جانە اسكەري كوللەدجدىڭ جەكە قۇرامى كادەتتىڭ وتباسى مەن جاقىندارىنا قايعىسىنا ورتاقتاسىپ كوڭىل ايتادى", - دەلىنگەن ۆەدومستۆودا.
قازىر كۋرسانت ولىمىنە قاتىستى قىلمىستىق ءىس قوزعالدى. قايعىلى وقيعانىڭ سەبەپتەرى انىقتالۋدا.
ەسكە سالا كەتەيىك، بۇل اسكەر سالاسىنداعى العاشقى قايعىلى وقيعا ەمەس. وسىعان دەيىن تۋىستارىنان 300 مىڭ تەڭگە سۇراعان 19 جاستاعى كۋرسانت اسحانادا اسىلىپ قالعان. الماتىداعى قۇرلىق اسكەرلەرى اسكەري ينستيتۋتىندا دا كۋرسانت وق جاراقاتىن الىپ، مەديتسينالىق كومەككە جۇگىنگەن.
