مالاۆي پرەزيدەنتى ۆيتسە-پرەزيدەنتتىڭ ۇشاق اپاتىنان قايتىس بولعانىن رەسمي تۇردە مالىمدەدى، دەپ حابارلايدى “ادىرنا” ۇلتتىق پورتالى.
ءمالاۆيدىڭ ۆيتسە-پرەزيدەنت ساۋلوس چيليمانىڭ مىنگەن ۇشاعى جوعالىپ كەتكەنى تۋرالى تاڭەرتەڭ اقپارات پايدا بولعان.
جەرگىلىكتى باق مالىمەتىنشە، مالاۆي مەملەكەتىنىڭ باسشىسى لازارۋس چاكۆەرا ىزدەۋ-قۇتقارۋ وپەراتسياسى اياقتالعانىن حابارلاعان. ۇشاق تولىعىمەن قيراعان، ءتىرى قالعاندار جوق.
«ءوزىمىزدى ءولىم الدىندا دارمەنسىز سەزىنەمىز. بۇل ومىردە ءبىز باسقارا المايتىن نارسەلەر بار ەكەنىن ەسكە سالادى. قازىر جانە الداعى اپتالاردا ورتاق قايعىمىزدا ءبىر-بىرىمىزگە قولداۋ كورسەتۋ ماڭىزدى. ۆيتسە-پرەزيدەنت تاماشا ادام، ادال اكە، كۇيەۋ جانە كورنەكتى كوشباسشى بولدى»، - دەدى مالاۆي پرەزيدەنتى
مەملەكەت باسشىسى ۆيتسە-پرەزيدەنت مىنگەن ۇشاقتىڭ قالدىقتارىن، ادام سۇيەكتەرىن ىزدەستىرۋ-قۇتقارۋ جۇمىستارىنا قاتىسۋشىلاردىڭ بارلىعىنا العىسىن ءبىلدىردى.
