Алматыдағы Құрлық әскерлері әскери институтында курсант оқ жарақатын алған деп хабарлайды "Адырна" ұлттық порталы "Еуразия" бірінші арнасына сілтеме жасап.
Диверсияға қарсы қауіпсіздік сабақтары барысында курсанттардың бірі қаруды қолдану кезінде қауіпсіздік шараларын бұзған. Соның салдарынан абайсызда атылып кеткен оқ екіншісінің аяғына тиген.
Қазір жедел түрде қалалық әскери клиникалық госпитальге жеткізілген зардап шегушіге барлық медициналық көмек көрсетілуде.
Ал Қорғаныс министрлігі курсанттың өміріне ешқандай қауіп төніп тұрмағанын айтқан.
"Курсанттардың бірі қаруды қолдану кезіндегі қауіпсіздік шараларын бұзу себебінен еріксіз автоматты түрде оқ атылды. Курсанттың денсаулығына ешқандай қауіп жоқ. Оқиғадан ата-аналары хабардар. Қазіргі уақытта аталған факті бойынша тексеріс жүргізілуде", — дейді Қорғаныс министрлігі ақпарат және коммуникациялар департаментінің өкілі Ғани Нүсіпов.
"Адырна" ұлттық порталы.
