اقمولادا ءىز-ءتۇزسىز جوعالعان بويجەتكەن ءالى تابىلماعان، دەپ حابارلايدى "ادىرنا" ۇلتتىق پورتالى.
اقمولا وبلىسى قوسشى قالاسىنىڭ پوليتسيا بولىمىنە 21 قازاندا جەرگىلىكتى تۇرعىن ءوزىنىڭ كامەلەتكە تولماعان قىزى سارسەنوۆا ديلناز ەرلانقىزى 19 قازاندا تاڭەرتەڭ ۇيدەن شىعىپ كەتىپ، وسى ۋاقىتقا دەيىن ورالماعانى تۋرالى ايتقان بولاتىن.
پوليتسيا دەرەگىنشە، قىزدىڭ بۇعان دەيىن دە ۇيدەن بىرنەشە رەت كەتىپ، كەيىن ورالعانى انىقتالعان. سونىمەن قاتار، ءجاسوسپىرىم مۇمكىندىگى شەكتەۋلى جان.
جوعالعان قىزدى الدىمەن اكەسى ءوز بەتىنشە ىزدەپ كورگەن. كەيىننەن، ناتيجەسىز بولعان سوڭ اتا-اناسى قۇقىق قورعاۋ ورگاندارىنا جۇگىنگەن.
قىز بالانىڭ بويى 150-155 سانتيمەتر، ارىق، قوڭىر ءتۇستى شاشى يىققا دەيىن جەتەدى.
پوليتسيا قىزمەتكەرلەرى كامەلەتكە تولماعان ديلنازدى ىزدەستىرۋگە كومەكتەسۋدى سۇرايدى. قىز تۋرالى قانداي دا ءبىر مالىمەت بىلەتىن ازاماتتاردان ارنايى 102 نومىرىنە حابارلاسۋلارىن وتىنەدى.
