Şoqan Uälihanov atyndaǧy äskeri kolledjde 1 kurstaǧy kursant özıne oq atyp, qaitys boldy, dep habarlaidy "Adyrna" tılşısı Qazaqparatqa sıltep.
Būl jaǧdaidy Qorǧanys ministrlıgı rastap otyr.
Kursant kezekşılıgın atqaru barysynda özıne bekıtılgen qarudan oq atyp alǧan.
Qazır kursant ölımıne qatysty qylmystyq ıs qozǧaldy. Qaiǧyly oqiǧanyŋ sebepterı anyqtaluda. Eske sala keteiık, būl äsker salasyndaǧy alǧaşqy qaiǧyly oqiǧa emes. Osyǧan deiın tuystarynan 300 myŋ teŋge sūraǧan 19 jastaǧy kursant ashanada asylyp qalǧan. Almatydaǧy Qūrlyq äskerlerı äskeri institutynda da kursant oq jaraqatyn alyp, medisinalyq kömekke jügıngen."2024 jyldyŋ 13 aqpanynda Ş. Uälihanov atyndaǧy äskeri kolledjdıŋ 1 kurs kadetı täulıktık kezekşılık mındetın öteuge kırısu barysynda bekıtılgen qarudan öz-özıne oq atyp alǧan. Saldarynan ol mert boldy. Qorǧanys ministrlıgınıŋ basşylyǧy jäne äskeri kolledjdıŋ jeke qūramy kadettıŋ otbasy men jaqyndaryna qaiǧysyna ortaqtasyp köŋıl aitady", - delıngen vedomstvoda.
Ūqsas jaŋalyqtar
