الماتىدا بۇگىن، 2024 جىلدىڭ 13 اقپانىندا رايىمبەك داڭعىلىندا ءۇش اۆتوبۋس پەن جەڭىل كولىكتىڭ ءىرى جول اپاتى بولدى، دەپ حابارلايدى “ادىرنا” ۇلتتىق پورتالى.
«بۇگىن، 13 اقپاندا ساعات 09:00 شاماسىندا رايىمبەك داڭعىلىندا 54-ءشى باعىتتاعى اۆتوبۋستىڭ جۇرگىزۋشىسى الدا كەلە جاتقان 133-مارشرۋتتاعى اۆتوبۋسپەن، سونداي-اق Nexia كولىگىمەن سوقتىعىستى. ال 133-ءشى اۆتوبۋس ينەرتسيا سالدارىنان سول باعىتتا كەلە جاتقان 88-باعىتتاعى اۆتوبۋسپەن سوقتىعىسقان»، - دەپ حابارلادى پوليتسيا دەپارتامەنتىنەن.
وقيعا ورنىندا كەم دەگەندە 15 ادام زارداپ شەككەنى ايتىلدى. زارداپ شەككەندەرگە مەديتسينالىق كومەك كورسەتىلدى.
جول-كولىك وقيعاسىنىڭ ءمان-جايىن مەدەۋ اۋداندىق ىشكى ىستەر ءبولىمىنىڭ قىزمەتكەرلەرى انىقتاپ جاتىر.
“ادىرنا” ۇلتتىق پورتالى
