2023 جىلى وزبەكستاندا العاش رەت 3,7 ميلليون توننا ماقتا جانە 8 ميلليون توننا استىق جينالدى. بۇل تۋرالى 12 اقپاندا وتكەن جيىندا وزبەكستان پرەزيدەنتى شاۆكات ميرزيەەۆ ءمالىم ەتتى، دەپ حابارلايدى “ادىرنا” ۇلتتىق پورتالى.
«مۇنداي ساندار ءبىزدىڭ قازىرگى تاريحىمىزدا بۇرىن-سوڭدى بولماعان»، - دەپ كەلتىرەدى ونىڭ ءباسپاسوز حاتشىسى شەرزود اسادوۆ.
«تاياۋ تاريح» دەگەنىمىز ناقتى قانداي كەزەڭدى بىلدىرەتىنى كورسەتىلمەگەن. ايتالىق، وزبەكستاندا 2007 جىلى 3,7 ميلليون توننادان استام ماقتا جينالسا، 2014 جىلى 8 ميلليون توننادان استام استىق جينالدى.
جيىن اۋىل شارۋاشىلىعىندا ونىمدىلىكتى ارتتىرۋ، شىعىنداردى ازايتۋ جانە سۋدى ۇنەمدەۋ ماسەلەلەرىنە، سونداي-اق الداعى جوسپارلارعا ارنالدى.
شاۆكات ميرزيەەۆ، اتاپ ايتقاندا، وزبەكستاندا گەكتاردان الىناتىن ورتاشا ءونىم الدىڭعى قاتارلى ەلدەرگە قاراعاندا تومەن ەكەنىن، بۇل رەتتە تىڭايتقىش، وتىن مەن سۋ ەكى ەسە كوپ جۇمسالاتىنىن اتاپ ءوتتى. ميرزيەەۆتىڭ ايتۋىنشا، تاۋار وندىرۋشىلەر جوعارى ءونىمدى تۇقىم اكەلىپ، فەرمەرلەردى جاڭا اگروتەحنولوگيالارعا ۇيرەتۋ ارقىلى ماقتا ونىمدىلىگىن 50 تسەنتنەرگە، ءداندى داقىلدار ونىمدىلىگىن گەكتارىنا 100 تسەنتنەرگە دەيىن كوتەرۋگە مۇمكىندىك الىپ وتىر.
