17 قاراشادا تاشكەنت اۋەجايىندا اۆتوبۋس ۇشاقپەن سوقتىعىسقان. بۇل تۋرالى AviaSpotter جازدى، دەپ حابارلايدى «ادىرنا» ۇلتتىق پورتالى.
وقيعا ساعات 22:00 شاماسىندا بولدى، Uzbekistan Airways اۋەكومپانياسىنىڭ جەردەگى قىزمەت كورسەتۋ اۆتوبۋسى Airbus A320 UK32022 ۇشاعىنىڭ «مۇرنىنا» ءتيىپ كەتكەن.
Uzbekistan Airports جانە Uzbekistan Airways ءباسپاسوز قىزمەتتەرى بۇل جاعدايعا ءالى تۇسىنىكتەمە بەرگەن جوق.
وقيعاعا دەيىن تاعى ءبىر اۋە وقيعاسى بولدى. سامارقاند وبلىسىنداعى كاتتاكۋرگان پوليگونىندا وقۋ-جاتتىعۋ كەزىندە وزبەكستان اسكەري-اۋە كۇشتەرىنىڭ تىكۇشاعى قۇلادى. ەكيپاج قاشىپ قۇتىلا المادى.
«ادىرنا» ۇلتتىق پورتالى
