ەلىمىزدە ورتاشا جالاقى مولشەرى كوتەرىلدى، دەپ حابارلايدى "ادىرنا" ءتىلشىسى.
جالاقىنىڭ مەديانالىق ءمانى 2023 جىلدىڭ قازان، قاراشا جانە جەلتوقسان ايلارىنداعى باعالاۋ بويىنشا 259 463 تەڭگەگە تەڭ بولعان.
2023 جىلى IV توقساندا جالاقى مولشەرى 393 605 تەڭگەگە جەتتى.
“جالاقىنىڭ ورتاشا مولشەرى ءبىر قىزمەتكەردىڭ جالاقىسىنىڭ قوسىمشا اقىسى، ۇستەمەاقىلارى، سىياقىلارى، سالىقتارى جانە زەينەتاقى اۋدارىمدارىنىڭ بارلىق ءتۇرىن ەسكەرە وتىرىپ كورسەتىلگەن. ول جالاقى قورىنىڭ سوماسىن كاسىپورىندارداعى قىزمەتكەرلەردىڭ ناقتى سانىنا ءبولۋ ارقىلى ەسەپتەلەدى”، – دەپ مالىمدەدى ۇلتتىق ستاتيستيكا بيۋروسى.
ال ەلىمىزدەگى ەڭ كوپ جالاقى - اتىراۋ وبلىسىندا. وڭىردەگى ايلىق - 591 588 تەڭگە.
