ستەپنوگورسك جىلۋ ەلەكتر ورتالىعىندا بولعان اپات سالدارىنان قالا تۇرعىندارى جىلۋسىز جانە جارىقسىز قالدى، دەپ حابارلايدى “ادىرنا” ۇلتتىق پورتالى اقمولا وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
«جىلۋ ەلەكتر ورتالىعىنىڭ مالىمەتىنشە، 10 اقپان كۇنى ساعات 13:27-دە 220 كۆ «KEGOس» جەلىسىنىڭ بويىندا ەلەكتر قۋاتى ۇزىلگەن. ساعات 14:07-دە ەلەكتر قۋاتىن بەرۋ قالپىنا كەلتىرىلدى، ساعات 14:15-تە بەسىنشى ەنەرگەتيكالىق قازاندىقتى جارىقتاندىرۋ جانە ىستىق سۋ قازاندىعى ىسكە قوسىلدى. 14:20-دا جىلۋ ماگيسترالىندە اينالىمدى قالپىنا كەلتىرۋ ءۇشىن جەلىلىك سورعى ىسكە قوسىلدى، «ستەپنوگورسك تەپلوترانزيت» جشس سورعىلاردى ىسكە قوسۋدا»، - دەلىنگەن اقمولا وبلىسى اكىمدىگىنىڭ حابارلاماسىندا.
ستەپنوگورسك جەو اپات فاكتىسى بويىنشا تەرگەۋ باستالدى. بۇل تۋرالى ەنەرگەتيكا مينيسترلىگىندە مالىمدەدى.
باسقارما «KEGOC» اق ستەپنوگور جەو ەلەكتر جەلىسىنىڭ اجىراتىلۋىنا بايلانىستى جىلۋ ەنەرگياسىن ءوندىرۋدى قىسقارتقانىن ايتتى. بۇل رەتتە جىلۋ ەلەكتر ورتالىعىندا تەحنولوگيالىق بۇزۋشىلىقتار جوق.
«قازىرگى ۋاقىتتا جىلۋ ەلەكتر ورتالىعىنا ەلەكترمەن جابدىقتاۋ قالپىنا كەلتىرىلدى، جىلۋ جەلىسىنىڭ تەمپەراتۋراسىن كوتەرۋ جۇمىستارى باستالدى. تۇتىنۋشىلاردى جىلۋمەن قامتاماسىز ەتۋ ءۇشىن جەلىلىك سۋدىڭ اينالىمى ۇيىمداستىرىلدى»، - دەپ اتاپ ءوتتى مينيسترلىك.
ەستەرىڭىزگە سالا كەتەيىك، 2023 جىلدىڭ 7 جەلتوقسانىندا ساعات 21:45-تە ستەپنوگورسك قالاسىنداعى سلاۆسكوگو جانە تسەلينوگراد كوشەلەرىنىڭ قيىلىسىنداعى د-600 جىلۋ ماگيسترالىندە ەكپىندى جەل سوعىپ، سالدارىنان بىرقاتار كوپقاباتتى ۇيلەردە جىلۋ جوعالعان. بۇل رەتتە سىرتتاعى اۋا تەمپەراتۋراسى -30 گرادۋسقا دەيىن جەتكەن. اپات 8 جەلتوقساندا شەشىلدى. بىرنەشە كۇننەن كەيىن اقمولا وبلىسىنىڭ اكىمدىگى ستەپنوگورسك قالاسىنداعى بارلىق جىلۋمەن قامتۋ نىساندارىنىڭ قالىپتى جۇمىس ىستەپ جاتقانىن حابارلاعان ەدى.
“ادىرنا” ۇلتتىق پورتالى
