باتىس قازاقستان وبلىسىندا سۋ تاسقىنىمەن كۇرەس جۇمىستارى ءالى جالعاسىپ جاتىر. بۇل تۋرالى قر تجم مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، تارتىلعان قۇرىلىمداردىڭ جەدەل جۇمىسىنىڭ ارقاسىندا سۋ باسقان 6 ۇيدەن سۋ تولىعىمەن سورىلدى. بۇل سىرىم جانە تەرەكتى اۋداندارىنىڭ ەۆاكۋاتسيالانعان 30-عا جۋىق تۇرعىنىنا ءوز ۇيلەرىنە ورالۋىنا مۇمكىندىك بەردى.
تەك وتكەن تاۋلىكتىڭ ىشىندە قاۋىپتى ۋچاسكەلەردە 4 مىڭعا جۋىق دانا قاپقا ينەرتتى ماتەريالدار سالىنىپ توسەلدى، 30 مىڭنان استام تەكشە مەتر سۋ سورىلدى، 12 ۋچاسكەدە سۋ بۇرۋ ءۇشىن ترانشەيا قازىلدى.
«قالعان ەۆاكۋاتسيالانعان 33 ادام ۋاقىتشا ەۆاكۋاتسيالاۋ پۋنكتەرىنە، 206 ادام تۋىستارىنىڭ ۇيلەرىنە ورنالاستىرىلدى. 280-دەن استام اۋىل شارۋاشىلىعى جانۋارلارى قاۋىپسىز جەرلەرگە ايدالدى.
تەك وتكەن تاۋلىكتىڭ ىشىندە قاۋىپتى ۋچاسكەلەردە 4 مىڭعا جۋىق دانا قاپقا ينەرتتى ماتەريالدار سالىنىپ توسەلدى، 30 مىڭنان استام تەكشە مەتر سۋ سورىلدى، 12 ۋچاسكەدە سۋ بۇرۋ ءۇشىن ترانشەيا قازىلدى.
باتىس قازاقستان وبلىسىندا سۋ تاسقىنى باستالعاننان بەرى تاۋلىك بويى جۇرگىزىلىپ جاتقان جۇمىستار كەزىندە 340 مىڭ تەكشە مەتر سۋ سورىلدى، تارتىلعان كۇشتەر ينەرتتى ماتەريالدار سالىنعان 25 مىڭنان استام قاپتى توسەدى»، - دەلىنگەن حابارلامادا.
اۆاريالىق-قۇتقارۋ جانە شۇعىل جۇمىستاردى جۇرگىزۋگە اتىراۋ جانە ماڭعىستاۋ وبلىستارىنان قوسىمشا تارتىلعان تجم كۇشتەرى مەن قۇرالدارىمەن، تجم، جەرگىلىكتى اتقارۋشى ورگانداردىڭ، ءىىم، قم جەكە قۇرامنان 1000-عا جۋىق ادام، ينجەنەرەلىك تەحنيكانى، موتوپومپالاردى، ءجۇزۋ قۇرالدارىن، تىكۇشاقتى قوسا العاندا 400-دەن استام بىرلىك تەحنيكا قاتىسۋدا.
مۇددەلى قىزمەتتەر مەن ۇيىمدار – جاو، قازسۋشار، قازاۆتوجول وكىلدەرىنىڭ قاتىسۋىمەن رەسپۋبليكالىق جانە وبلىستىق جەدەل شتابتار تاۋلىك بويى جۇمىس ىستەۋدى جالعاستىرۋدا.
