Stepnogorsk jylu elektr ortalyǧynda bolǧan apat saldarynan qala tūrǧyndary jylusyz jäne jaryqsyz qaldy, dep habarlaidy “Adyrna” ūlttyq portaly Aqmola oblysy äkımdıgınıŋ baspasöz qyzmetıne sılteme jasap.
«Jylu elektr ortalyǧynyŋ mälımetınşe, 10 aqpan künı saǧat 13:27-de 220 kV «KEGOS» jelısınıŋ boiynda elektr quaty üzılgen. Saǧat 14:07-de elektr quatyn beru qalpyna keltırıldı, saǧat 14:15-te besınşı energetikalyq qazandyqty jaryqtandyru jäne ystyq su qazandyǧy ıske qosyldy. 14:20-da jylu magistralınde ainalymdy qalpyna keltıru üşın jelılık sorǧy ıske qosyldy, «Stepnogorsk teplotranzit» JŞS sorǧylardy ıske qosuda», - delıngen Aqmola oblysy äkımdıgınıŋ habarlamasynda. Stepnogorsk JEO apat faktısı boiynşa tergeu bastaldy. Būl turaly Energetika ministrlıgınde mälımdedı. Basqarma «KEGOC» AQ Stepnogor JEO elektr jelısınıŋ ajyratyluyna bailanysty jylu energiiasyn öndırudı qysqartqanyn aitty. Būl rette jylu elektr ortalyǧynda tehnologiialyq būzuşylyqtar joq. «Qazırgı uaqytta jylu elektr ortalyǧyna elektrmen jabdyqtau qalpyna keltırıldı, jylu jelısınıŋ temperaturasyn köteru jūmystary bastaldy. Tūtynuşylardy jylumen qamtamasyz etu üşın jelılık sudyŋ ainalymy ūiymdastyryldy», - dep atap öttı ministrlık. Esterıŋızge sala keteiık, 2023 jyldyŋ 7 jeltoqsanynda saǧat 21:45-te Stepnogorsk qalasyndaǧy Slavskogo jäne Selinograd köşelerınıŋ qiylysyndaǧy D-600 jylu magistralınde ekpındı jel soǧyp, saldarynan bırqatar köpqabatty üilerde jylu joǧalǧan. Būl rette syrttaǧy aua temperaturasy -30 gradusqa deiın jetken. Apat 8 jeltoqsanda şeşıldı. Bırneşe künnen keiın Aqmola oblysynyŋ äkımdıgı Stepnogorsk qalasyndaǧy barlyq jylumen qamtu nysandarynyŋ qalypty jūmys ıstep jatqanyn habarlaǧan edı.“Adyrna” ūlttyq portaly
Ūqsas jaŋalyqtar
