Respublica پارتياسى ورتالىق كەڭەسىنىڭ قاۋلىسىمەن ايتۋار قوشمامبەتوۆ پارلامەنت ءماجىلىسى دەپۋتاتى رەتىندە ۇسىنىلدى. ءتيىستى شەشىم ورتالىق سايلاۋ كوميسسياسىنا جولداندى، دەپ حابارلايدى «ادىرنا» ءتىلشىسى.
بۇعان دەيىن ايتۋار قوشمامبەتوۆ الماتى قالاسىنداعى پارتيا فيليالىنىڭ توراعاسى قىزمەتىن اتقارعان.
ول 1986 جىلى 29 قاراشادا دۇنيەگە كەلگەن. حالىقارالىق قۇقىق مامانى (قازاق ۇلتتىق ۋنيۆەرسيتەتى. ءال-فارابي، باكالاۆريات), قۇقىقتانۋ (ەكونوميكا جانە قۇقىق اكادەمياسى ماماندىعى بويىنشا، ماگيستراتۋرا). پروكۋراتۋرا ورگاندارىندا جۇمىس ىستەدى، الماتى قالاسىنىڭ كاسىپكەرلەر پالاتاسىن باسقاردى.
ەستەرىڭىزگە سالا كەتەيىك، 24 قاڭتاردا پارلامەنت ءماجىلىسىنىڭ جالپى وتىرىسىندا دەپۋتات دينارا شۇكىجانوۆانىڭ وكىلەتتىگى مەرزىمىنەن بۇرىن توقتاتىلدى. ول مىندەتتەرىن اتقارۋدان ءوز ەركىمەن بوساتۋ تۋرالى ءوتىنىش بەرگەن ەدى.
