Respublica partııasy Ortalyq keńesiniń qaýlysymen Aıtýar Qoshmambetov Parlament Májilisi depýtaty retinde usynyldy. Tıisti sheshim Ortalyq saılaý komıssııasyna joldandy, dep habarlaıdy «Adyrna» tilshisi.
Buǵan deıin Aıtýar Qoshmambetov Almaty qalasyndaǵy partııa fılıalynyń tóraǵasy qyzmetin atqarǵan.
Ol 1986 jyly 29 qarashada dúnıege kelgen. Halyqaralyq quqyq mamany (Qazaq ulttyq ýnıversıteti. Ál-Farabı, bakalavrıat), Quqyqtaný (Ekonomıka jáne quqyq Akademııasy mamandyǵy boıynsha, magıstratýra). Prokýratýra organdarynda jumys istedi, Almaty qalasynyń kásipkerler palatasyn basqardy.
Esterińizge sala keteıik, 24 qańtarda Parlament Májilisiniń jalpy otyrysynda depýtat Dınara Shúkijanovanyń ókilettigi merziminen buryn toqtatyldy. Ol mindetterin atqarýdan óz erkimen bosatý týraly ótinish bergen edi.
