قۇرلىق اسكەرلەرىنىڭ گۆارديالىق گارنيزونىندا ورنالاسقان اسكەري بولىمدەردىڭ بىرىندە وقىس وقيعا تىركەلدى، دەپ حابارلايدى "ادىرنا" ءتىلشىسى.
قۇرلىق اسكەرلەرى ءباسپاسوز قىزمەتىنىڭ مالىمەتىنشە، 6 قاڭتار كۇنى تاڭعى تەكسەرىس بارىسىندا مەرزىمدى اسكەري قىزمەتتەگى سارباز سول قولىنىڭ ساۋساقتارىن تەمىر زاتپەن جاراقاتتاعان.
زارداپ شەككەن اسكەري قىزمەتكەر جەدەل تۇردە اسكەري گوسپيتالعا جەتكىزىلىپ، وعان قاجەتتى مەديتسينالىق كومەك كورسەتىلگەن.
قازىرگى تاڭدا ساربازدىڭ جاعدايى تۇراقتى، ومىرىنە قاۋىپ جوق. ول دارىگەرلەردىڭ باقىلاۋىندا.
الدىن الا مالىمەت بويىنشا، سارباز بۇل ارەكەتتى جەكە سەبەپتەرگە بايلانىستى جاساعانىن ايتقان. وقيعانىڭ ءمان-جايىن انىقتاۋ ماقساتىندا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر.
ۇقساس جاڭالىقتار
