Respublica партиясы Орталық кеңесінің қаулысымен Айтуар Қошмамбетов Парламент Мәжілісі депутаты ретінде ұсынылды. Тиісті шешім Орталық сайлау комиссиясына жолданды, деп хабарлайды «Адырна» тілшісі.
Бұған дейін Айтуар Қошмамбетов Алматы қаласындағы партия филиалының төрағасы қызметін атқарған.
Ол 1986 жылы 29 қарашада дүниеге келген. Халықаралық құқық маманы (Қазақ ұлттық университеті. Әл-Фараби, бакалавриат), Құқықтану (Экономика және құқық Академиясы мамандығы бойынша, магистратура). Прокуратура органдарында жұмыс істеді, Алматы қаласының кәсіпкерлер палатасын басқарды.
Естеріңізге сала кетейік, 24 қаңтарда Парламент Мәжілісінің жалпы отырысында депутат Динара Шүкіжанованың өкілеттігі мерзімінен бұрын тоқтатылды. Ол міндеттерін атқарудан өз еркімен босату туралы өтініш берген еді.
