تۇركىستان قالاسىندا ەكى بالاسىن ولتىرگەن كۇدىكتى ەشقانداي ديسپانسەرلىك ەسەپتە تۇرماعانى انىقتالدى، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.
بۇل تۋرالى كەلىنشەكتىڭ ەڭبەك ەتەتىن مەكتەپ اكىمشىلىگى ونىڭ ديسپانسەردە ەسەپتە تۇرماعانىن، ۇلگىلى مۇعالىم بولعانىن جاريالادى.
سونداي-اق، ازاماتشا ۇجىم، اتا-انالار جانە وقۋشىلارمەن ءتىل تابىسۋ كەزىندە جايلى مىنەزىمەن ەرەكشەلەنگەن.
ايتا كەتەيڭك، وقيعا 7 قاڭتاردا تۇركىستان قالاسىندا بولعان. جالدامالى پاتەرلەردىڭ بىرىنەن ەكى ءسابيدىڭ دەنەسى تابىلدى. وعان قىزىلوردا وبلىسى شيەلى اۋدانىنىڭ تۇراتىن ازاماتشا، بالالاردىڭ اناسى كۇدىكتى دەپ تانىلدى.
كۇدىكتى ايەل شىمكەنت قالاسىنداعى قوناق ءۇيدىڭ بىرىنەن ۇستالدى.
كەيبىر دەرەك كوزدەرىندە ازاماتشانىڭ مۇعالىم بولىپ قىزمەت اتقارعانى ايتىلدى. بۇل دەرەكتى قىزىلوردا وبلىستىق ءبىلىم باسقارماسىنىڭ باسشىسى اسقاربەك ەسجانوۆ راستادى.
"تۇركىستان قالاسىندا بولعان بالالار ولىمىنە قاتىستى كۇدىكتى دەپ تانىلعان ازاماتشا وقيعا بولعان 7 اقپان كۇنى مەكتەپ اكىمشىلىگىنە ەسكەرتپەستەن جۇمىسقا بارماعان. مەكتەپ اكىمشىلىگى ول ازاماتشانىڭ ۇجىم، اتا-انالار جانە وقۋشىلارمەن ءتىل تابىسۋى، جايلى مىنەزىمەن ەرەكشەلەنگەنىن ايتادى. سونداي-اق پەداگوگيكالىق قىزمەتىندە بالالاردى وقىتۋ مەن تاربيەلەۋدە بىرقاتار جەتىستىككە جەتكەن. ءتيىستى العىس حاتتارمەن ماراپاتتالعان. ارىپتەستەرىنىڭ ايتۋىنشا، مىنەزىندە ەشقانداي اۋىتقۋ بولماعان. قانداي دا ءبىر ديسپانسەرلىك ەسەپتە تۇرمايدى. ءوزى تولىققاندى وتباسى، اتا-ەنەسى، جۇبايىمەن بىرگە تۇرعان. قازىر ىشكى ىستەر ورگاندارىندا بۇل بويىنشا قىلمىستىق ءىس تىركەلگەن. قورىتىندىسى تەرگەۋ امالدارىنان كەيىن بەلگىلى بولادى", - دەدى باسقارما باسشىسى.
