جۋرناليست، ساياسي ساراپشى ارنۇر شاكەرحانوۆ بۇگىن پرەزيدەنت قاسىم-جومارت توقاەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسى تۋرالى پىكىرىن ءبىلدىردى، دەپ حابارلايدى “ادىرنا” ۇلتتىق پورتپلى.
«الەم ەلدەرى اراسىندا قاي سالانى الساق تا باسەكەلەستىك كۇشەيىپ تۇرعانىن بارلىعى بىلەر. ازىرگە الىسقا بارماي-اق ءوزىمىزدىڭ ايماقتا كوشباسىندا تۇرساق جەتكىلىكتى دەپ ويلايمىن. ورتالىق ازيادا ينۆەستيتسياعا تالاسا الاتىن ەلدەر بار ەكەنى بارشاعا ءمالىم. بۇگىنگى ۇكىمەتتىڭ كەڭەيتىلگەن وتىرىسىندا قاسىم-جومارت توقاەۆ «ەلىمىزگە اۋقىمدى ينۆەستيتسيا تارتۋدىڭ تاعى ءبىر ماڭىزدى شارتى – ۇلتتىق ينفراقۇرىلىم جوسپارى» دەدى. ياعني ءبىزدىڭ قازىرگى ماقسات ەل ىشىندەگى ينفراقۇرىلىمدى رەتكە كەلتىرۋ. بىرىنشىدەن جولدىڭ ساپاسىنا زەر سالۋ كەرەك. شەتەلدىك ينۆەستورلار اۋىل-ايماقتاعى نەمەسە الىس جاتقان وڭىرلەردەگى كەي جولداردى كورىپ ويىنان اينىپ قالۋى ابدەن مۇمكىن. قاراپايىم عانا ماسەلە بولعانىمەن سۇراقتى وسىدان باستاپ شەشۋ كەرەك. كۇنى كەشە ۇكىمەت باسىنا ولجاس بەكتەنوۆ مىرزا كەلدى. جۇيەلى جۇمىس ورناتىپ، بيۋدجەتتەن بولىنەتىن قارجىعا قول سۇعاتىنداردىڭ قاتارىن ازايتادى دەگەن سەنىمدەمىن. وسىنداي قاسيەتتەرگە يە باسشىنىڭ ارقاسىندا ەلىمىزدىڭ ينفراقۇرىلىمى جاقسارىپ، جولدارىمىز جوندەلەر»، - دەدى ارنۇر شاكەرحانوۆ.
