قازاقستاندا ءبىر مەزەتتە ويناتىلاتىن ەلەكتروندىق لوتەرەيا دۇڭگىرشەكتەرىنىڭ جۇمىسى توقتاتىلدى، دەپ حابارلايدى "ادىرنا" ۇلتتىق پورتالى تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەپ.
"ازاماتتار مەن مەملەكەتتىك ورگانداردان كەلىپ تۇسكەن دابىلدارعا جاۋاپ رەتىندە قازاقستان رەسپۋبليكاسى تۋريزم جانە سپورت مينيسترلىگى 2023 جىلى ەكى رەت – مامىر جانە قاراشا ايلارىندا لوتەرەيا وپەراتورى – ء"ساتتى جۇلدىز" اق-عا لوتەرەيا كلۋبتارى مەن ەلەكتروندىق لەزدە ويناتىلاتىن لوتەرەيا جۇمىسىن ۇيىمداستىرۋدى جەتىلدىرۋ بويىنشا ۇسىنىمدار جىبەردى. مينيسترلىكتىڭ 20 قاڭتارداعى سوڭعى ۇسىنىستارىنا سايكەس 30 قاڭتاردان باستاپ لوتەرەيا وپەراتورى رەسپۋبليكانىڭ بارلىق اۋماعىندا lotomatic تەرمينالدارى/دۇڭگىرشەكتەرى ارقىلى ەلەكتروندىق لەزدە ويناتىلاتىن لوتەرەيانى تاراتۋدى ۋاقىتشا توقتاتتى", - دەلىنگەن سارسەنبىدەگى حابارلامادا.
الايدا، مينيسترلىك كەي جەرلەردە lotomatic-ءتىڭ رەسمي "سارى-كوك" تەرمينالدارىنا ۇقساس جالعان قۇرىلعىلار جۇمىس ىستەي بەرەتىندىگىن جوققا شىعارمادى.
"وسىعان بايلانىستى ازاماتتاردان مۇقيات بولۋدى جانە زاڭسىز لوتەرەيا تەرمينالدارىنىڭ قىزمەتتەرىن پايدالانباۋدى، سونداي-اق مينيسترلىكتىڭ "Telegram" چات-بوتىنا حابارلاۋدى سۇرايمىز (https://t.me/stop_online_casino_bot) جانە "WhatsApp" (+7 707 9071507) Lotomatic دۇڭگىرشەكتەرىنىڭ نەمەسە زاڭسىز لوتەرەيا تەرمينالدارىنىڭ جۇمىسىنىڭ بارلىق فاكتىلەرى تۋرالى حابارلاساڭىزدار بولادى. ءاربىر ءوتىنىش لوتەرەيا وپەراتورىمەن جانە قۇقىق قورعاۋ ورگاندارىمەن بىرلەسىپ مۇقيات پىسىقتالاتىن بولادى. قۇقىق بۇزۋشىلار جاۋاپقا تارتىلادى", - دەپ تولىقتىردى ۆەدومستۆو.
