قازاقستاندىق ءانشى اباي بەگەيدىڭ قىزى گۇلەركەم نيازقۇلوۆا كۇيەۋىمەن بىرگە زاڭسىز لوتەرەيا ۇيىمداستىردى دەگەن كۇدىكپەن ۇستالدى، دەپ حابارلايدى "ادىرنا" ۇلتتىق پورتالى.
بۇل تۋرالى قارجىلىق مونيتورينگ اگەنتتىگى مالىمدەمە جاسادى.
تەرگەۋ مالىمەتىنشە، ەرلى-زايىپتىلار Instagram, TikTok جانە Telegram جەلىلەرى ارقىلى اۆتوكولىك، پاتەر جانە باعالى سىيلىقتاردى جۇلدە رەتىندە ۇسىنعان لوتەرەيا وتكىزگەن. الايدا ولار رەسمي لوتەرەيا وپەراتورى رەتىندە تىركەلمەگەن.
ۇيىمداستىرۋشىلار 500 تەڭگەدەن 50 000 تەڭگەگە دەيىنگى باعادا لوتەرەيا بيلەتتەرىن ساتقان. ناتيجەسىندە 162 ميلليون تەڭگەدەن استام زاڭسىز تابىس تاپقانى انىقتالعان.
قازىرگى تاڭدا كۇدىكتىلەردىڭ جىلجىمايتىن مۇلكى مەن بانكتىك شوتتارىنا تىيىم سالىندى. تەرگەۋ جالعاسىپ جاتىر.
ۇقساس جاڭالىقتار
