ساۋد ارابياسىندا وتكەن دۇنيەجۇزىلىك قورعانىس كورمەسىندە FNSS شىعارعان بەسىنشى بۋىندىق PARS ALPHA 8X8 تۇرىك برونەترانسپورتەرى العاش رەت تانىستىرىلدى، دەپ حابارلايدى "ادىرنا پورتالى.
FNSS باس ديرەكتورى نايل كۋرت Anadolu اگەنتتىگىنە بتر-گە (برونەترانسپورتەر) قاتىستى بىرنەشە ساۋالعا جاۋاپ بەردى. ول PARS ALPHA كومپانياسىنىڭ ينجەنەرلەرى تەحنولوگيالىق جەتىستىكتەرىن، قانشا جىلعى تاجىريبەلەرىن، تۇتىنۋشىلاردىڭ پىكىرلەرى مەن اسكەري ساراپشىلاردىڭ باعالاۋلارىن ەسەپكە الۋ جانە بروندى پەرسونالدى جوبالاۋ ارقىلى 35 جىلدىق كۇش-جىگەردىڭ ناتيجەسىندە سەگىز دوڭگەلەكتى تەحنيكانىڭ جاسالعانىن ايتتى.
ونىڭ ايتۋىنشا، PARS ALPHA 8X8 باسەكەلەستەرى مەن باسقا بالامالارىمەن سالىستىرعاندا كوپتەگەن ارتىقشىلىقتارعا يە.
نايل كۋرت دوڭگەلەگى بار جانە شىنجىر تاباندى ءداستۇرلى بروندالعان جاۋىنگەرلىك كولىكتەردە الدىڭعى جاعىندا جۇرگىزۋشى وتىراتىن ورىن جانە ونىڭ جانىندا اسكەري كۇش توبى جانە ارتقى جاعىندا بولەك ءبولىم وتىراتىن ورىن بار ەكەنىن ايتتى.
بتر الدىڭعى دوڭگەلەك جۇيەسىندە بالليستيكالىق قورعانىس پەن مينادان قورعانىستى كۇشەيتتى.
سونىمەن قاتار، اتالمىش جاڭا تەحنيكا ادەتتە وتە ۇلكەن جانە ۇزىن بولاتىن باسقا برونەترانسپورتەر ولشەمدەرىمەن سالىستىرعاندا شامامەن 60-70 سانتيمەترگە جىڭىشكەردى، دەيدى كۋرت.
مۇنداي برونەترانسپورتەرلەردىڭ قۋاتى 700 ات كۇشىنە جەتەدى، ال ىشكى كەڭىستىگى 2-2,5 تەكشە مەترگە دەرلىك كەڭەيدى، دەگەن كومپانيا باسشىسى PARS ALPHA 8X8 بىرەگەي تەحنيكالىق سيپاتتامالارىنىڭ ارقاسىندا ول الداعى 30-40 جىلدا ماڭىزدى مىندەتتەردى ورىنداۋ ءۇشىن ءتيىمدى بولاتىنىن ايتتى.
«بۇل جۇيە كولىكتى كوتەرىپ، تۇسىرە الادى. مينا قاۋپى جوعارى ايماقتاردا جۇرگەندە كولىكتى شامامەن 55-60 سانتيمەتر بيىكتىككە دەيىن كوتەرۋگە بولادى، بۇل فۋنكتسيانىڭ مينادان قورعانۋ ءۇشىن ماڭىزى زور»، - دەدى ول.
«ءبىز PARS ALPHA كوپ جاعىنان باسەكەلەستەرىنەن ەرەكشە دەپ ەسەپتەيمىز»، - دەپ قوستى كومپانيا باسشىسى.
