قورعانىس مينيسترلىگى قارۋ-جاراق پەن اسكەري تەحنيكا ساتىپ الۋ كەزىندە سىبايلاس جەمقورلىق تاۋەكەلدەرى بولۋى مۇمكىن ەمەس ەكەنىن ايتتى. ۆەدومستا وتاندىق اسكەري تەحنيكاعا قاتىستى سىنعا جاۋاپ بەردى، دەپ حابارلايدى ”ادىرنا” ۇلتتىق پورتالى.
قورعانىس مينيسترلىگىندە قارۋ-جاراق پەن اسكەري تەحنيكا ساتىپ الۋ كەزىندە سىبايلاس جەمقورلىق تاۋەكەلدەرى بولۋى مۇمكىن ەمەس. مەملەكەتتىك قورعانىستىق تاپسىرىستى ورىنداۋشىنى تاڭداۋ كونكۋرس وتكىزۋ ارقىلى جۇزەگە اسىرىلادى. كونكۋرستى تىكەلەي وتكىزۋدى ونەركاسىپ جانە قۇرىلىس مينيسترلىگىنىڭ مقت كوميتەتى (بۇدان ءارى – وقم، ۋاكىلەتتى ورگان) جۇزەگە اسىرادى. ورىنداۋشىنى تاڭداۋدى كوميسسيا جۇرگىزەدى، ونىڭ قۇرامى مەن جۇمىس ءتارتىبىن ۋاكىلەتتى ورگان ايقىندايدى،- دەدى مينيسترلىك.
سونداي-اق، كونكۋرس اسكەري ماقساتتاعى تاۋارلاردى (ونىمدەردى), قوس ماقساتتاعى (قولدانىلاتىن) تاۋارلاردى (ونىمدەردى) وتاندىق وندىرۋشىلەردىڭ جانە مەملەكەتتىك قورعانىس تاپسىرىسىنىڭ اسكەري ماقساتتاعى جۇمىستار مەن اسكەري ماقساتتاعى كورسەتىلەتىن قىزمەتتەردى وتاندىق جەتكىزۋشىلەردىڭ تىزىلىمىنە ەنگىزىلگەن ۇيىمدار قاتارىنان وتكىزەدى.
كوميسسيا قۇرامىنا قىزمەت باعىتى بويىنشا ارنايى ءبىلىمى بار مەملەكەتتىك قورعانىستىق تاپسىرىس كوميەتى مەن قورعانىس مينيسترلىگىنىڭ وكىلدەرى كىرەدى. شەشىم كوميسسيالىق تۇردە قابىلدانادى. كاسىپورىندار ۇسىنعان ۇسىنىستار تەحنيكالىق ەرەكشەلىكتەرمەن ايقىندالعان پارامەترلەر مەن شارتتارعا سايكەس كەلگەن جاعدايدا شەشىم ەڭ تومەن باعانى ۇسىنعان كاسىپورىنعا قاتىستى قاراپايىم كوپشىلىك داۋىسپەن قابىلدانعان بولىپ ەسەپتەلەدى، دەلىنگەن ۆەدومستۆا جاۋابىندا.
ال قورعانىس مينيسترلىگى تەحنيكالىق ەرەكشەلىكتەردى ازىرلەيدى، ونىمدەردى (قىزمەتتەردى) جەتكىزۋ سانى مەن مەرزىمدەرىن ايقىندايدى. باعانى بەلگىلەۋگە ۋاكىلەتتى ورگان (وقم) جاۋاپ بەرەدى.
مينيسترلىك «قازاقستان اسكەرىنىڭ قارۋ-جاراعى مەن اسكەري تەحنيكاسىنىڭ نەگىزگى بولىگى رەسەيلىك (بىرلەسكەن) وندىرىستەن شىققان، رەسەيگە سالىنعان سانكتسيالار بۇرىن جەتكىزىلگەن قارۋ-جاراق ۇلگىلەرىن ودان ءارى پايدالانۋعا قانداي دا ءبىر اسەرى بار ما؟» دەگەن ساۋالعا ارنايى توقتالىپ:ەڭ الدىمەن، ەنگىزىلىپ جاتقان سانكتسيالار قارۋ-جاراق پەن اسكەري تەحنيكا بويىنشا كەڭەستىك جانە رەسەيلىك ءوندىرىستى ودان ءارى پايدالانۋعا جول بەرمەۋى مۇمكىن. ويتكەنى كومپونەنتتەر مەن قوسالقى بولشەكتەردى جەتكىزۋ [رەسەيدەن] ءىس جۇزىندە توقتاتىلدى، – دەپ جاۋاپ بەرەدى.سونىمەن قاتار، قارۋ-جاراق ءوندىرىسىنىڭ وزگە جولدارىن اتاپ، قىتاي نەمەسە ءۇندىستان سياقتى قورعانىس ونەركاسىبى كەشەنىنىڭ وزدەرىنىڭ وتاندىق كاسىپورىندارىندا قوسالقى بولشەكتەر مەن ولاردىڭ قۇرامداس بولىكتەرىن ءوندىرۋدى ۇيىمداستىرۋ ماڭىزدى ەكەنىن مالىمدەدى: ادەتتە، رەسەيلىك قارۋ-جاراقتى الۋشى ەل مامىلەدە ساتىپ الىناتىن قارۋ-جاراق پەن اسكەري تەحنيكانى، ونىڭ ىشىندە قىتاي نەمەسە ءۇندىستان سياقتى قورعانىس ونەركاسىبى كەشەنىنىڭ وزدەرىنىڭ وتاندىق كاسىپورىندارىندا قوسالقى بولشەكتەر مەن ولاردىڭ قۇرامداس بولىكتەرىن ءوندىرۋدى ۇيىمداستىرۋدى قاراستىرادى. ودان وزگە شىعىس ەۋروپا ەلدەرىندە ۆارشاۆا كەلىسىمىندەگى، اتاپ ايتقاندا سەربيا، چەحيا، سلوۆاكيا جانە ت.ب. ەلدەردىڭ قارۋ-جاراق پەن وق-دارىلەردى ءوندىرۋ جانە جاڭعىرتۋ جالعاسۋدا.
بۇل باعىتتا قارۋ-جاراق نارىعىنا مونيتورينگ ۇنەمى جۇرگىزىلىپ وتىرادى. سونىمەن قاتار، بۇل قورعانىس مينيسترلىگى قولداۋ كورسەتەتىن، ۋاكىلەتتى ورگاننىڭ مىندەتى بولىپ سانالادى، – دەدى مينيسترلىك.سونىمەن قاتار، قپي 2022 جىلى جاۋىنگەرلىك ءمودۋلدى 10 بكم جەتكىزۋ توقتاتىلعان، سونداي-اق 2023 جىلى وسىنداي 18 بىرلىكتى جەتكىزۋ دە توقتاتىلماق. «قپي» كىناسى. 2022 جىلى قازاقستاننىڭ قورعانىس ءمينيسترى ر. جاقسىلىقوۆ ءماجىلىس دەپۋتاتتارىنىڭ سۇراۋىنا جاۋاپ بەرىپ، 2023 جىلى قر قك قاجەتتىلىگى ءۇشىن «ارلان» بكم-ءنىڭ 20 بىرلىگىن جەتكىزۋ جوسپارلانعانىن مالىمدەگەن ەدى. مينيسترلىك دەرەگىنشە، «قپي» كىناسىنەن جاۋىنگەرلىك ءمودۋلسىز كەشەننىڭ 2023 جىلدىڭ سوڭىنا دەيىن الىنادى دەلىنگەن 20 بكم-نان تەك 2 بكم قابىلدانۋى مۇمكىن.
«قالعاندارى اسكەري تاجىريبەدەن ناتيجەلى وتكەن سوڭ عانا بەلگىلەنگەن تارتىپپەن قابىلداناتىن بولادى»، دەلىنگەن حابارلامادا.انىقتاما رەتىندە: 2023 جىلى مەملەكەتتىك قورعانىس تاپسىرىسى شەڭبەرىندە «ارلان» بكم-ءنىڭ 20 بىرلىگىن (جاۋىنگەرلىك مودۋلمەن 18 بىرلىك جانە جاۋىنگەرلىك ءمودۋلسىز 2 بىرلىك) ساتىپ الۋ جوسپارلانعان، شارت بويىنشا تاپسىرىستى ورىنداۋشى «كپي» جشس بولىپ تابىلادى. وسى ۋاقىتقا دەيىن جەتكىزىلمەگەن، جەتكىزۋ مەرزىمى 2023 جىلعى 30 قاراشاعا دەيىن. سوڭعى 3 جىل ىشىندە قازاقستان اسكەرىنە وتاندىق جانە شەتەلدەن شىققان بروندى تەحنيكا تۇرلەرىنىڭ جەتكىزىلۋىنە قاتىستى مينيسترلىك مىناداي اقپارات بەرگەن:
«2020-2022 جىلداردا قارۋلى كۇشتەرگە تەك «ارلان» بكم-نىڭ (قپي) 48 بىرلىگى ساتىپ الىندى، ونىڭ ىشىندە 2020 جىلى – 30 بىرلىك، 2021 جىلى – 18 بىرلىك. 2022 جىلى جاۋىنگەرلىك ءمودۋلدى 10 بىرلىك جاراق قۇرامىنا قابىلدانبادى، اسكەري تاجىريبەدە پايدالانۋ ىسكە اسىرىلىپ جاتىر».
