Saýd Arabııasynda ótken Dúnıejúzilik qorǵanys kórmesinde FNSS shyǵarǵan besinshi býyndyq PARS ALPHA 8X8 túrik bronetransporteri alǵash ret tanystyryldy, dep habarlaıdy "Adyrna portaly.
FNSS bas dırektory Naıl Kýrt Anadolu agenttigine BTR-ge (bronetransporter) qatysty birneshe saýalǵa jaýap berdi. Ol PARS ALPHA kompanııasynyń ınjenerleri tehnologııalyq jetistikterin, qansha jylǵy tájirıbelerin, tutynýshylardyń pikirleri men áskerı sarapshylardyń baǵalaýlaryn esepke alý jáne brondy personaldy jobalaý arqyly 35 jyldyq kúsh-jigerdiń nátıjesinde segiz dóńgelekti tehnıkanyń jasalǵanyn aıtty.
Onyń aıtýynsha, PARS ALPHA 8X8 básekelesteri men basqa balamalarymen salystyrǵanda kóptegen artyqshylyqtarǵa ıe.
Naıl Kýrt dóńgelegi bar jáne shynjyr tabandy dástúrli brondalǵan jaýyngerlik kólikterde aldyńǵy jaǵynda júrgizýshi otyratyn oryn jáne onyń janynda áskerı kúsh toby jáne artqy jaǵynda bólek bólim otyratyn oryn bar ekenin aıtty.
BTR aldyńǵy dóńgelek júıesinde ballıstıkalyq qorǵanys pen mınadan qorǵanysty kúsheıtti.
Sonymen qatar, atalmysh jańa tehnıka ádette óte úlken jáne uzyn bolatyn basqa bronetransporter ólshemderimen salystyrǵanda shamamen 60-70 santımetrge jińishkerdi, deıdi Kýrt.
Mundaı bronetransporterlerdiń qýaty 700 at kúshine jetedi, al ishki keńistigi 2-2,5 tekshe metrge derlik keńeıdi, degen kompanııa basshysy PARS ALPHA 8X8 biregeı tehnıkalyq sıpattamalarynyń arqasynda ol aldaǵy 30-40 jylda mańyzdy mindetterdi oryndaý úshin tıimdi bolatynyn aıtty.
«Bul júıe kólikti kóterip, túsire alady. Mına qaýpi joǵary aımaqtarda júrgende kólikti shamamen 55-60 santımetr bıiktikke deıin kóterýge bolady, bul fýnkııanyń mınadan qorǵaný úshin mańyzy zor», - dedi ol.
«Biz PARS ALPHA kóp jaǵynan básekelesterinen erekshe dep esepteımiz», - dep qosty kompanııa basshysy.
