اقمولا وبلىسىنداعى تاس جولدا مەكتەپ وقۋشىلارى جول اپاتىنا ۇشىرادى، دەپ حابارلايدى “ادىرنا” ۇلتتىق پورتالىنا سىلتەپ.
«4 اقپاندا ساندىقتاۋ اۋداندىق پوليتسيا بولىمىنە اۋىل ماڭىندا ماكسيموۆكا، كوكشەتاۋ-اتباسار تاس جولىندا جول كولىك وقيعاسى ورىن العانى تۋرالى اقپارات ءتۇستى»، - دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
Mercedes-Benz شاعىن اۆتوبۋسى اتباسارعا بارا جاتقان، ىشىندە 15 جولاۋشى بولعان.
«جولدا قار تازالاۋ تەحنيكاسىن باسىپ وزۋ ءۇشىن مانەۆر جاساۋ كەزىندە ول ءرۋلدى باسقارا الماي، قارسى كەلە جاتقان كولىككە بەتپە-بەت شىعىپ كەتىپ، قالاعا قاراي بەت العان 20 جاستاعى جۇرگىزۋشى باسقارعان Nissan Primera كولىگىمەن سوقتىعىسقان»، - دەپ حابارلادى پوليتسيا.
Nissan جۇرگىزۋشىسى وقيعا ورنىندا كوز جۇمدى. 15 جولاۋشى، ونىڭ ىشىندە جەتى بالا ءتۇرلى دەنە جاراقاتتارىمەن ساندىقتاۋ اۋداندىق اۋرۋحاناسىنا جەتكىزىلدى.
«كولiك قۇرالدارىن باسقاراتىن ادامداردىڭ جول قوزعالىسى نەمەسە كولiك قۇرالدارىن پايدالانۋ ەرەجەلەرiن بۇزۋ فاكتiسi بويىنشا پوليتسيا سوتقا دەيىنگى iس جۇرگiزiپ، ساراپتامالار تاعايىندادى»، - دەپ قوستى پوليتسەيلەر.
