بۇگىن ءماجىلىستىڭ جالپى وتىرىسىنان كەيىن ىشكى ىستەر ءمينيسترى ەرجان سادەنوۆ كەرەكۋلىك ءتىل جاناشىرى رۋزا بەيسەنبايتەگىنە قاتىستى سۇراققا جاۋاپ بەردى، دەپ حابارلايدى "ادىرنا" ۇلتتىق پورتالى.
«پاۆلوداردا ءتىل جاناشىرى رۋزا بەيسەنبايتەگى وزىنە قاتىستى ارانداتۋ بولعانىن ايتادى. ول كىسىنىڭ ۇستىنەن قىلمىستىق ءىس قوزعالدى ما؟» دەگەن ءجۋرناليستىڭ سۇراعىنا مينيستر «پاۆلودار بويىنشا قازاقستان ازاماتىنىڭ اتىنان ارىز تۇسكەن. ءسىز ايتقان كىسى بويىنشا مەديكتەردى شاقىرىپ، ساراپتامادان وتكىزدىك. بۇگىنگى كۇنى ول كىسىنى ۋچەتقا تىركەپ قويدىق»، - دەپ جاۋاپ بەردى.
– شەشىمنىڭ نەگىزى نەدە؟ دياگنوزى قانداي؟
– ەندى ونى دەنساۋلىق ساقتاۋ مينيسترلىگى بىلەتىن شىعار.
– قازاق ءتىلىن تالاپ ەتكەن ادام قىلمىسكەر مە؟
– جوق، نەگە ولاي دەيسىز؟ ماسەلە ولاي بولعان جوق. ارىز جازعان ادام وعان شاعىمدانىپ، "مەنى زابىرلەپ، باسقا سوزدەر ايتتى" دەدى. سودان كەيىن ءبىز ونى تەكسەرۋىمىز كەرەك قوي.
ەسكە سالا كەتەيىك، قاڭتاردىڭ 25 كۇنى ءتىل جاناشىرى رۋزا بەيسەنبايتەگىن پوليتسيا مەن جەدەل جاردەم الىپ كەتىپ، جىندىحاناعا جاپقان بولاتىن. الەۋمەتتىك جەلىدەگى شۋدان كەيىن قوعام بەلسەندىسى جىندىحانادا ءبىر كۇن جاتىپ، بوساتىلدى.
"ادىرنا" ۇلتتىق پورتالى
