Búgin Májilistiń jalpy otyrysynan keıin Ishki ister mınıstri Erjan Sádenov kerekýlik til janashyry Rýza Beısenbaıtegine qatysty suraqqa jaýap berdi, dep habarlaıdy "Adyrna" ulttyq portaly.
«Pavlodarda til janashyry Rýza Beısenbaıtegi ózine qatysty arandatý bolǵanyn aıtady. Ol kisiniń ústinen qylmystyq is qozǵaldy ma?» degen jýrnalıstiń suraǵyna mınıstr «Pavlodar boıynsha Qazaqstan azamatynyń atynan aryz túsken. Siz aıtqan kisi boıynsha medıkterdi shaqyryp, saraptamadan ótkizdik. Búgingi kúni ol kisini ýchetqa tirkep qoıdyq», - dep jaýap berdi.
– Sheshimniń negizi nede? Dıagnozy qandaı?
– Endi ony Densaýlyq saqtaý mınıstrligi biletin shyǵar.
– Qazaq tilin talap etken adam qylmysker me?
– Joq, nege olaı deısiz? Másele olaı bolǵan joq. Aryz jazǵan adam oǵan shaǵymdanyp, "meni zábirlep, basqa sózder aıtty" dedi. Sodan keıin biz ony tekserýimiz kerek qoı.
Eske sala keteıik, qańtardyń 25 kúni til janashyry Rýza Beısenbaıtegin polıııa men jedel járdem alyp ketip, jyndyhanaǵa japqan bolatyn. Áleýmettik jelidegi shýdan keıin qoǵam belsendisi jyndyhanada bir kún jatyp, bosatyldy.
"Adyrna" ulttyq portaly
