ەڭبەك كۇنىن مەرەكەلەۋگە ارنالعان ءىس-شارالار اياسىندا استانا قالاسى اكىمدىگىنىڭ كمم «ەڭبەك موبيلدىلىگى ورتالىعى» ۇيىمداستىرعان «الەۋمەتتىك-ەڭبەك ماسەلەلەرى بويىنشا اشىق ەسىك كۇنى» ءوتتى.
ءىس-شاراعا «الەۋمەتتىك مەديتسينالىق ساقتاندىرۋ قورى» كەاق استانا قالاسى بويىنشا فيليالىنىڭ وكىلدەرى قاتىسىپ، ەلوردا تۇرعىندارىنا مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىنە قاتىستى اقپاراتتىق-ءتۇسىندىرۋ جۇمىستارىن جۇرگىزدى.
كەزدەسۋ بارىسىندا تۇرعىنداردىڭ وزدەرىن قىزىقتىرعان بىرقاتار وزەكتى سۇراقتارىنا جاۋاپ بەرىلدى. اتاپ ايتقاندا:
العاشقى مەديتسينالىق-سانيتاريالىق كومەك (مساك) ۇيىمدارىنا، ونىڭ ىشىندە «UMC» كف جانە قر پرەزيدەنتى ءىس باسقارماسىنىڭ مەديتسينالىق ورتالىعىنا تىركەلۋ;
ەرەسەكتەرگە ستوماتولوگيالىق كومەك كورسەتۋ، ونىڭ ىشىندە جارىقپەن قاتايتىلاتىن پلومبا سالۋ جانە «سەۆوران» پرەپاراتىمەن ەمدەۋ;
بەيىندى ماماندارعا، ونىڭ ىشىندە اريتمولوگ پەن ەندوكرينولوگقا جولداما الۋ;
مرت-عا جولداما الۋ;
ۇزاق مەرزىمدى ەڭبەك دەمالىسى كەزەڭىندە ساقتاندىرىلۋ مارتەبەسىن انىقتاۋ ماسەلەلەرى تالقىلاندى.
سونىمەن قاتار ەلوردا تۇرعىندارى ءمامس جۇيەسىندە «ساقتاندىرىلعان» مارتەبەسىن قالاي الۋعا بولادى، ساقتاندىرىلۋ مارتەبەسىن قالاي تەكسەرۋگە جانە جارنالاردى قالاي تولەۋگە بولادى دەگەن ساۋالدارىنا ناقتى تۇسىندىرمەلەر الدى.
وسىنداي اقپاراتتىق-ءتۇسىندىرۋ كەزدەسۋلەرى حالىقتىڭ ءمامس جۇيەسى تۋرالى حاباردارلىعىن ارتتىرۋعا، ازاماتتاردىڭ ءوز قۇقىقتارى مەن مىندەتتەرىن بىلۋىنە جانە مەديتسينالىق كومەكتى الۋ مۇمكىندىكتەرى تۋرالى تولىق اقپارات الۋىنا مۇمكىندىك بەرەدى.
ءوز قۇقىعىڭدى ءبىلۋ – ساپالى مەديتسينالىق كومەككە قول جەتكىزۋدىڭ ماڭىزدى قادامى!
