ەربولات دوساەۆ الماتى اكىمى قىزمەتىندەگى ەكى جىلداعى جەتىستىكتەرى تۋرالى سۇراققا جاۋاپ بەردى، دەپ حابارلايدى "ادىرنا" ۇلتتىق پورتالى.
اكىمنىڭ المالى اۋدانىنىڭ تۇرعىندارىمەن كەزەكتى كەزدەسۋىندە جۋرناليست ەربولات دوساەۆتى ەكى جىلدان بەرى اكىمدىك قىزمەتتە كەلە جاتقاندىعىمەن قۇتتىقتادى. سونداي-اق، جۋرناليست وسى ەكى جىل ىشىندە الماتى اكىمى قانداي ىستەرمەن ماقتاناتىنىن سۇرادى.
دوساەۆ بۇل ماسەلە ونىڭ ءوزى ەمەس، الماتىلىقتاردىڭ قالاي باعالايتىنىندا ەكەنىن اتاپ ءوتتى.
"الماتىنىڭ يگىلىگى مەن دامۋى ءۇشىن شىن جۇرەكتەن جۇمىس ىستەيمىن. كوپتەگەن ءتۇرلى ىستەر جاسالدى، بالكىم كەي دۇنيەلەرگە ۇلگەرمەي دە قالعان شىعارمىز. مەنىڭ ويىمشا، بۇل جەكە اڭگىمە تاقىرىبى بولادى دەپ ۇمىتتەنەمىن. بۇل جەردە ماسەلە مەنىڭ سەزىمىمدە ەمەس، ازاماتتاردىڭ ەڭبەگىمدى باعالاۋىندا. ەگەر وسى كەزدەسۋ جانە مەنىڭ بولاشاق كەزدەسۋلەرىم نەمەسە ءبىز جاسايتىن ىستەر ماقۇلدانىپ جاتقان بولسا، وندا مەن ءوز ورنىمدامىن جانە ءوز جۇمىسىمدى ساپالى ورىنداۋعا تىرىسىپ جاتقاندىعىمنىڭ بەلگىسى. ءبىز ساڭىراۋ ەمەسپىز، ەستيمىز. ءار جولى ءبىز ءسىزدىڭ يدەيالارىڭىزبەن، سۇراۋلارىڭىزبەن العا ۇمتىلامىز. ءبىز ءتىرى ادامدارمىز، ءبىز ءمىنسىز ەمەسپىز، مەن دە اكىم رەتىندە ءمىنسىز ەمەسپىن. بىراق ەكى جىل ءار ءتۇرلى بولدى، مۇنى ايتۋعا ۋاقىت بولسا، بولاشاقتا ايتىپ بەرەمىن", - دەپ جاۋاپ بەردى الماتى اكىمى.
