Erbolat Dosaev Almaty ákimi qyzmetindegi eki jyldaǵy jetistikteri týraly suraqqa jaýap berdi, dep habarlaıdy "Adyrna" ulttyq portaly.
Ákimniń Almaly aýdanynyń turǵyndarymen kezekti kezdesýinde jýrnalıst Erbolat Dosaevty eki jyldan beri ákimdik qyzmette kele jatqandyǵymen quttyqtady. Sondaı-aq, jýrnalıst osy eki jyl ishinde Almaty ákimi qandaı istermen maqtanatynyn surady.
Dosaev bul másele onyń ózi emes, almatylyqtardyń qalaı baǵalaıtynynda ekenin atap ótti.
"Almatynyń ıgiligi men damýy úshin shyn júrekten jumys isteımin. Kóptegen túrli ister jasaldy, bálkim keı dúnıelerge úlgermeı de qalǵan shyǵarmyz. Meniń oıymsha, bul jeke áńgime taqyryby bolady dep úmittenemin. Bul jerde másele meniń sezimimde emes, azamattardyń eńbegimdi baǵalaýynda. Eger osy kezdesý jáne meniń bolashaq kezdesýlerim nemese biz jasaıtyn ister maquldanyp jatqan bolsa, onda men óz ornymdamyn jáne óz jumysymdy sapaly oryndaýǵa tyrysyp jatqandyǵymnyń belgisi. Biz sańyraý emespiz, estımiz. Ár joly biz sizdiń ıdeıalaryńyzben, suraýlaryńyzben alǵa umtylamyz. Biz tiri adamdarmyz, biz minsiz emespiz, men de ákim retinde minsiz emespin. Biraq eki jyl ár túrli boldy, muny aıtýǵa ýaqyt bolsa, bolashaqta aıtyp beremin", - dep jaýap berdi Almaty ákimi.
