جەرگىلىكتى پوليتسيا قىزمەتىنىڭ مالىمەتىنشە، الماتىدا جىل باسىنان بەرى موپەدتەردىڭ قاتىسۋىمەن 333 جول-كولىك وقيعاسى ورىن الىپ، سونىڭ سالدارىنان 14 ادام قازا تاۋىپ، تاعى 355 ادام جاراقات العان، دەپ حابارلايدى "ادىرنا" ۇلتتىق پورتالى. بۇل تۋرالى مالىمەتپەن الماتى پد ءبولىستى.
"موپەدتەردى پايدالانۋداعى نەگىزگى قاۋىپتەردىڭ ءبىرى ولاردىڭ جىلدامدىعى مەن قۋاتىنىڭ ارتۋى بولىپ تابىلادى. ەگەر موپەدتىڭ ءتسيليندرىنىڭ كولەمى 50 تەكشە سانتيمەتردەن جانە ماكسيمالدى جوبالىق جىلدامدىعى ساعاتىنا 50 كم-دەن اساتىن بولسا، ول جولدا ايتارلىقتاي قاۋىپ توندىرەدى. مۇنداي موپەدتەر اۋىر جول-كولىك وقيعالارىن تۋدىرۋى مۇمكىن." -جول قوزعالىسىنا قاتىسۋشىلاردىڭ جاراقات الۋىنا جانە ءتىپتى ولىمىنە اكەلەتىن كولىك اپاتتارى ورىن الۋى دا عاجاپ ەمەس. قازىرگى ۋاقىتتا بالامالى كولىك تۇرلەرى جاستار اراسىندا تانىمال بولدى. تەك ەڭ كونسەرۆاتيۆتى باعالاۋلار بويىنشا، ولاردىڭ 50 مىڭنان استامى الماتى جولدارىندا جۇرەدى، سايكەسىنشە، بۇل فاكتور جالپى جول-كولىك وقيعاسى دەڭگەيىنە كەرى اسەرىن تيگىزۋدە»، - دەدى الماتى قالاسى پوليتسيا دەپارتامەنتى جول كولىك وقيعالارى بويىنشا اعا ينسپەكتورى داۋرەن مىرزاحانوۆ.
ونىڭ ايتۋىنشا، جولداعى قايعىلى وقيعالار جالعاسۋدا. وتكەن اپتادا الماتىدا ادام ولىمىنە اكەلگەن اپاتتاردىڭ ءبىرى بولدى.
«موپەدتەردى پايدالانۋ ماسەلەسى ءبىر كۇندە شەشىلمەيدى، قالامىزدىڭ جولدارىنداعى قاۋىپسىزدىكتى قامتاماسىز ەتۋ ءۇشىن موپەد يەلەرىنىڭ جانە جالپى جۇرتشىلىقتىڭ كۇش-جىگەرىنىڭ بىرلىگى قاجەت. بۇل ءۇشىن اۋەلى ءاربىر جولاۋشىنى ءوز جاۋاپكەرشىلىگىن تۇسىنۋگە جانە ازاماتتاردى جول قوزعالىسى ەرەجەلەرىن قاتاڭ ساقتاۋعا شاقىرامىن»، - دەپ تۇيىندەدى ءسوزىن مىرزاحانوۆ.
