قازاقستانداعى ۇلتتىق بىرىڭعاي تەستىلەۋدە تاپسىرمالار سانى قىسقاردى، دەپ حابارلايدى “ادىرنا” ۇلتتىق پورتالى عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنە سىلتەمە جاساپ.
"ماڭىزدى وزگەرىس 2024 جىلى «وقۋ ساۋاتتىلىعى» جانە «ماتەماتيكالىق ساۋاتتىلىق» مىندەتتى پاندەرىندەگى تاپسىرمالار سانىن بەس سۇراققا قىسقارتۋعا قاتىستى", – دەلىنگەن حابارلامادا.
ۇبت-داعى پاندەر سانى وزگەرىسسىز قالادى. 2024 جىلعى تالاپكەرلەر تەستىلەۋدى ءۇش مىندەتتى ءپان جانە ەكى تاڭداۋ ءپانى بويىنشا تاپسىرادى.
سونداي-اق بەيىندىك پاندەر بويىنشا سۇراقتار سانى ارتاتىنى ايتىلدى.
«بۇل بەيىندىك پاندەر بويىنشا سۇراقتار سانىن 40-قا دەيىن ارتتىرۋعا مۇمكىندىك بەردى. سونىمەن قاتار، تىزىمنەن تاڭداۋعا سايكەس كەلەتىن مامانداندىرىلعان پاندەر بويىنشا 5 تاپسىرما قوسىلدى. بۇل وزگەرىستەر تەست تاپسىرمالارىنىڭ ساپاسىن جانە ولاردىڭ فۋنكتسيونالدىق ساۋاتتىلىق پەن سىني تۇرعىدان ويلاۋ داعدىلارىن باعالاۋدىڭ حالىقارالىق ستاندارتتارىنا سايكەستىگىن ارتتىرۋعا باعىتتالعان»، - دەپ ەسەپتەيدى ۆەدومستۆو.
“ادىرنا” ۇلتتىق پورتالى
