قىرعىزستاندا پرەزيدەنت سايلاۋى 2027 جىلى وتەدى. بۇل سايلاۋعا قازىرگى مەملەكەت باسشىسى سادىر جاپاروۆ قاتىسا ما دەگەن سۇراققا پرەزيدەنتتىڭ ءباسپاسوز حاتشىسى اسقات الاگوزوۆ جاۋاپ بەردى، دەپ حابارلايدى “ادىرنا” ۇلتتىق پورتالى.
ء“يا، پرەزيدەنت سادىر جاپاروۆ ەكىنشى مەرزىمگە ۇمىتكەر بولادى", - دەدى مەملەكەت باسشىسىنىڭ ءباسپاسوز حاتشىسى اسقات الاگوزوۆ 24.kg سايتىنا بەرگەن جاۋابىندا.
ء"بىزدىڭ ەلىمىز ءۇشىن ستراتەگيالىق ماڭىزى بار ۇزاق مەرزىمدى حالىقارالىق جوبالار ىسكە قوسىلاتىنىن جانە جوسپارلاناتىنىن ەسكەرە وتىرىپ، سادىر جاپاروۆتىڭ ەكىنشى مەرزىمگە سايلاۋعا قاتىسۋى ساياساتتاعى دايەكتى قادام بولادى", — دەپ ءتۇسىندىردى ول.
ايتا كەتەيىك، بۇعان دەيىن سادىر جاپاروۆ 2020 جىلدىڭ 10 قازانىنان 2021 جىلدىڭ 21 قاڭتارىنا دەيىن ەلدىڭ پرەمەر-ءمينيسترى بولعان. 2021 جىلدىڭ 28 قاڭتارىنان باستاپ قىرعىز رەسپۋبليكاسىنىڭ پرەزيدەنتى بولىپ سايلاندى.
“ادىرنا” ۇلتتىق پورتالى
