وتكەن اپتادا ءىىم كريمينالدىق پوليتسيا دەپارتامەنتىنىڭ قىزمەتكەرلەرى كورشىلەس مەملەكەتتەردە ىزدەۋدە جۇرگەن قىلمىسكەرلەردى ۇستادى. بۇل تۋرالى قر ءىىم كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ ايتتى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، رەسەي فەدەراتسياسىنىڭ سامارا قالاسىندا 2023 جىلدىڭ ساۋىرىندە ءوزىنىڭ تانىسىن ولتىرگەن تاجىكستان رەسپۋبليكاسىنىڭ ازاماتى تۇركىستان وبلىسىندا ۇستالعان. ول 2023 جىلدىڭ قازانىنان بەرى ىزدەۋدە بولعان.
سونداي-اق، 2021-2023 جىلدار ارالىعىندا تاشكەنت وبلىسىندا كوپپاتەرلى ۇيلەردى جوندەۋ كەزىندە جالعان قۇجاتتاردى ۇسىنۋ ارقىلى الاياقتىق جولمەن 180 ملن 476 مىڭ سوم قاراجاتىن يەمدەنگەن وزبەكستان رەسپۋبليكاسىنىڭ ازاماتى الماتى وبلىسى قاسكەلەندەۇستالدى. ول 2023 جىلدىڭ قاراشاسىنان بەرى ىزدەۋدە بولعان.
بۇعان قوسا بىشكەكتە ءوزىنىڭ وگەي قىزىن زورلاعانى ءۇشىن 47 جاستاعى تۇركيا رەسپۋبليكاسىنىڭ ازاماتى الماتىداۇستالدى. ول قىرعىز رەسپۋبليكاسىنىڭ قۇقىق قورعاۋ ورگاندارىمەن ىزدەۋدە بولعان.
ال قىزىلوردا قالاسىندا 2022 جىلى رەسەي فەدەراتسياسىنىڭ سوچي قالاسىنىڭ تۇرعىنىن الداۋ ارقىلى 1 ملن رەسەي ءرۋبلىن الىپ، ءوز قاجەتتىلىگىنە جۇمساپ جىبەرگەن رەسەي فەدەراتسياسىنىڭ 30 جاستاعى ازاماتى ۇستالدى. ول بيىلعى ساۋىرىنەن باستاپ ىزدەۋدە بولعان.
“قابىلدانعان شارالار ناتيجەسىندە ءىىم قىزمەتكەرلەرى ىزدەۋدە جۇرگەن 1495 قىلمىسكەردى ۇستاپ، 1 مىڭنان استام حابار-وشارسىز كەتكەن ازاماتتىڭ جۇرگەن جەرلەرىن انىقتادى”، – دەدى قانات نۇرماعامبەتوۆ.
سونىمەن بىرگە ەلىمىزدىڭ اۋماعىندا شەتەلدەردە ىزدەۋدە جۇرگەن 642 قىلمىسكەر ۇستالدى.
