23 ماۋسىمدا تۋرا 3 كۇننەن كەيىن ستامبۋل قالاسىنىڭ بىزدىڭشە ايتقاندا اكىمى بولۋعا ەكرەم يماموگلۋ مەن ەردوعاننىڭ دوسى بينالى يىلدىرىم قايتا سايلاۋعا تۇسەدى.
نەگىزى 31 ناۋرىز كۇنى وتكەن سايلاۋدا ەكرەم يماموگلۋ جەڭگەن. كوپ ۇزاماي سايلاۋ ادىلەتسىز ءوتتى دەپ ەسەپتەلىپ قايتا سايلاۋ وتەتىن بولدى. "ادىلەتسىز سايلاۋ دەگەن" ءسوز ەردوعاننىڭ دا اۋزىنان شىقتى. ەندىگى بيلىك پارتياسىنا قالعانى قالاي دا سايلاۋدا جەڭىسكە جەتۋى شارت.
تۇركيادا "15 ميلليون xالقى بار ستامبۋلدى كىم بيلەسە كەلەشەكتە ەلدى سول باسقارادى" دەگەن ۇعىم مەن سەنىم بار. ەردوعاننىڭ ءوزى دە ساياسي كارەراسىن ستامبۋل قالاسىنىڭ اكىمى بولۋدان باستاعان. وسى جولى ستامبۋلدا وپپوزيتسيا ۇلكەن داۋىس ايىرماشىلىعىمەن جەڭسە، xالىقتىڭ باسىم بولىگى ەردوعان ساياساتىنا قارسى دەگەن ءسوز. ەگەر ساياسي پروتسەسس وسىلاي ءوربىپ جاتسا 2023 جىلى وتەتىن پرەزيدەنت سايلاۋىنا ەردوعاننىڭ تۇسپەۋى دە ابدەن مۇمكىن. حاريزماسى مول ەردوعان ساياساتتاعى تاجىريبەسىمەن جەڭىلەتىنىن بىلسە 2023 جىلى سايلاۋعا تۇسە قويۋى ەكىتالاي. نە دە بولسا تۇركيادا 2023 جىلى پرەزيدەنت كىم بولاتىنىن شەشەتىن ماڭىزدى سايلاۋ بولعالى تۇر.
باۋىرجان سەرىكباەۆ
"ادىرنا" ۇلتتىق پورتالى
